The news is by your side.

Advertisement

سبیلیں ہٹانے کا عمل روکا جائے، ایم کیو ایم لندن

لندن: ایم کیو ایم کے سینئر رہنمامحمد اشفاق نے کہا کہ کراچی کے بعض علاقوں میں محرم الحرام کے سلسلے میں لگائی جانے والی سبیلوں کو قانون نافذ کرنے والے اداروں کی جانب سے ہٹائے جانے کا عمل قابل مذمت ہے اسے عمل کو فوری طور پر روکا جائے۔

ایم کیو ایم لندن کی جانب جاری کردہ اعلامیے میں محمد اشفاق کا کہنا تھا کہ ’’کراچی کے مختلف علاقوں میں ہرسال شہریوں کی جانب سے محرم الحرام کے موقع پر سبیلیں لگائی جاتی ہیں تاہ امسال قانون نافذ کرنے والے اداروں کی جانب سے مختلف جواز پیش کر کے سبیلوں کو ہٹایا جارہا ہے۔

پڑھیں: سندھ میں محرم الحرام کی سیکیورٹی کا پلان تیار

 محمد اشفاق نے کہا ہے کہ ’’قانون نافذ کرنے والے اداروں کی جانب سے نہ صرف سبیلیں ہٹانے کا عمل جاری ہے بلکہ اُن پر بیٹھے افراد کی پکڑ دھکڑ کا عمل جاری ہے جو قابلِ مذمت ہے‘‘۔ انہوں نے قانون نافذ کرنے والے اداروں سے مطالبہ کیا کہ سبلیں لگانے کے عمل میں رکاوٹیں نہ کھڑی کی جائیں اور اس سلسلے کو فوری طور پر بند کرتے ہوئے گرفتار کیے گئے تمام افراد کو رہا کیا جائے۔ دوسری جانب شیعہ تنظیموں کی جانب سے بھی سبیلیں ہٹائے جانے کے عمل کی مذمت کی گئی ہے۔

mqm-press-relese

یاد رہے دو روز قبل قانون نافذ کرنے والے اداروں کی جانب سے سبیلیں ہٹانے کے بعد گلستان جوہر میں اہل تشیع حضرات کی جانب سے احتجاجی مظاہرہ کیا گیا تھا، جس میں مظاہرین نے حکومت سے مطالبہ کیا کہ اس طرح کی کارروائیاں فی الفور روکی جائیں۔

Comments

comments

یہ بھی پڑھیں