The news is by your side.

Advertisement

متحدہ لندن کی یاد گارشہدا پر حاضری، رینجرز نے نوجوانوں‌ کو روک دیا

کراچی :متحدہ قومی موومنٹ لندن کے رہنمائوں اور کارکنوں نے نائن زیرو کے قریب یادگارہ شہدا پر حاضری دینے کی کوشش کی تاہم رینجرز نے انہیں روک دیا اور صرف بزرگوں اور خواتین کو جانے کی اجازت دی۔

تفصیلات کے مطابق ایم کیو ایم لندن کی نو منتخب رابطہ کمیٹی کے رکن کنور خالد یونس سمیت بڑی تعداد میں بزرگ کارکنان اور خواتین نے ایم کیو ایم کے مرکز 90 کے قریب واقع شہدائے یادگار پر حاضری دی اور فاتحہ خوانی کی۔

قبل ازیں رینجرز نے مکا چورنگی سے شہدائے یادگار تک کے علاقے کو گھیرے میں لے کر وہاں قائم سیکیورٹی چوکیوں کو مسمار کر کے بوریاں رکھ دیں اور اردگرد کے چند مکانوں کی تلاشی بھی لی۔

ایم کیو ایم لندن کی اپیل کارکنان اور رہنماؤں کی بڑی تعداد مکا چورنگی پہنچ گئی اور وہاں سے رابطہ کمیٹی کے رکن ساتھی اسحاق کی قیادت میں شہدائے یادگارکی جانب بڑھے تاہم شہدائے یادگار پر موجود رینجرز اہلکاروں نے انہیں اندر جانے سے منع کردیا۔

اس دوران رکن رابطہ کمیٹی کے رکن ساتھی اسحق سے مذاکرات کے بعد رینجرز حکام نے بزرگ کارکنان اور خواتین کو شہدائے یادگار جانے کی اجازت دے دی اور رکن رابطہ کمیٹی کنور خالد یونس کی قیادت میں کارکنوں نے شہدائے یادگار پر فاتحہ خوانی کی۔

فاتحہ خوانی کے بعد کارکنان نے فلک شگاف نعرے بلند کیے اور پُرامن طور پر منتشر ہو گئے۔

Comments

comments

یہ بھی پڑھیں