The news is by your side.

Advertisement

متحدہ قومی موومنٹ‌ نے شناختی کارڈز کی دوبارہ تصدیق کی مخالفت کردی

کراچی: ایم کیوایم ارکان قومی اسمبلی نے ملک بھرکے شہریوں کےشناختی کارڈزکی دوبارہ تصدیق کے فیصلے کی مذمت کردی۔

تفصیلات کے مطابق ایم کیو ایم کی جانب سے جاری کردہ اعلامیے میں کہا گیا ہے کہ وفاقی وزیرداخلہ چوہدی نثار نادرا میں موجود کالی بھیٹروں کو بچانے کے لیے ملک کی عوام کو مشکل میں ڈال رہے ہیں۔

انہوں نے مزید کہا کہ وفاقی وزیر داخلہ کے قومی شناختی کارڈ کی تصدیق کے فیصلے اور اس اعلان سے ملک بھر کے عوام کو سخت ذہنی اذیت پہنچی ہے۔

متحدہ قومی موومنٹ کے اراکین اسمبلی نے وزیر اعظم پاکستان، آرمی چیف آف پاکستان جنرل راحیل شریف اور چیف جسٹس آف پاکستان جسٹس انور ظہیر جمالی سے مطالبہ کیا ہے کہ  قومی شناختی کارڈ کی دوبارہ تصدیق کرنے کے حوالے سے کیے جانے والے فیصلے کا نوٹس لیتے ہوئے عملدرآمد سے روکا جائے اور نادرا میں موجود کرپٹ کالی بھیڑوں کو بے نقاب کرکے عبرتناک سزا دی جائے۔

قبل ازیں  وفاقی وزیرداخلہ چوہدری نثارعلی خان نے اسلام آباد میں ناردا حکام کے ساتھ منعقدہ اعلی سطحی اجلاس میں خطاب کرتے ہوئے کہا تھا کہ ’’ناردا ملک بھر میں جاری ہونے والے شناختی کارڈز کی دوبارہ تصدیق کرنے کے حوالے سے اگلے اڑتالیس گھنٹوں میں وزارتِ داخلہ کو لائحہ عمل بنا کرکے دے تا کہ قومی شناختی کارڈ کی تصدیق کے عمل کو جلد از جلد شروع کیا جاسکے۔

 

Comments

comments

یہ بھی پڑھیں