The news is by your side.

Advertisement

ایم کیو ایم کے رکن سندھ اسمبلی سلیم بندھانی کی پی ایس پی میں شمولیت

کراچی: ایم کیو ایم کے ایک اور رکن سندھ اسمبلی سلیم بندھانی پاک سرزمین پارٹی میں شامل ہوگئے۔

تفصیلات کے مطابق پی ایس پی کے چیئرمین مصطفی کمال کے ہمراہ پریس کانفرنس میں سلیم بندھانی نے پاک سرزمین پارٹی میں شمولیت کا اعلان کیا ہے، سلیم بندھانی نے کہا کہ اپنی مرضی سے بغیر کسی دباؤ کے پی ایس پی میں شامل ہوا ہوں، ملک اور عوام کی خدمت کرنے کے لیے پی ایس پی کا حصہ بنا ہوں، ایم کیو ایم صرف اپنے مفادات کی جنگ لڑ رہی ہے۔

چیئرمین پی ایس اپی مصطفیٰ کمال نے کہا کہ آج جو لوگ کنفیوژ ہیں امید ہے کل وہ ہمارے ساتھ ہوں گے، بہادر آباد اور پی آئی بی سمیت سب کو شمولیت کی دعوت دیتا ہوں۔

مصطفیٰ کمال نے کہا کہ ہزاروں ماؤں کو جانتا ہوں جنہوں نے دعائیں کی ہیں، 11 دن میں 5 ایم پی ایز اور 4 ایم این ایز پی ایس پی میں شامل ہوچکے۔ پی ایس پی کے اس مقام پر پہنچنے کے لیے 4 کارکنان نے شہادت دی، یہ اعتماد ہم نے بنایا ہے پلیٹ میں سجا نہیں ملا۔

انہوں نے کہا کہ ہماری حوصلہ افزائی کرنے والے کارکنان کا شکریہ ادا کرتا ہوں، پی ایس پی نے پلٹ کر کسی پروار نہیں کیا، پتھر مارنے پر پتھر نہیں مارا، 2 سالوں میں کٹھن دور دیکھا، میرپورخاص میں ہم پر ڈنڈے، پتھر اور گولیاں برسائی گئیں۔

چیئرمین پاک سرزمین پارٹی نے کہا کہ نواز شریف کہتے ہیں میں ہوتا تو لوڈ شیڈنگ کا خاتمہ ہوچکا ہوتا، ان کو یہ کہتے ہوئے شرم آنی چاہئے، حالات بدلنے فرشتے نہیں آئیں گے، ابھی گرمی شروع نہیں ہوئی 10 سے 12 گھنٹے لوڈ شیڈنگ ہورہی ہے، سال سے یہ راگ سنتے آرہے ہیں اگلے سال لوڈ شیڈںگ ختم ہوگی، صبح میں پانی نہیں ہوتا اور رات میں بجلی نہیں ہوتی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں