ایم کیو ایم کے نامزد کردہ افسران کو دوبارہ ڈسٹرکٹ ایڈمنسٹریٹر کا چارج دے دیا گیا۔
محکمہ لوکل گورنمنٹ نے تین جنوری کو ایم کیو ایم کے ضلعی ایڈمنسٹریٹر کو چارج سے ہٹانے کا نوٹی فکیشن واپس لے لیا۔
حیدرآباد اور کراچی کے ضلع شرقی اور کورنگی کے ایم کیو ایم کے نامزد ایڈمنسٹریٹر کو دوبارہ بحال کردیا گیا۔ ایڈمنسٹریٹر کی بحالی کا نوٹی فکیشن الگ الگ جاری کیا گیا
تین جنوری کو شکیل احمد کو ضلع شرقی کے ایڈمنسٹریٹر شپ سے ہٹایا گیا تھا جب کہ محمد شریف کو ضلع کورنگی کے ایڈمنسٹریٹر شپ سے ہٹایا گیا تھا۔ محمد فاروق کو بھی حیدرآباد کی ایڈمنسٹریٹر شپ سے ہٹایا گیا تھا۔
آج محکمہ بلدیات نے اپنے تین جنوری کے نوٹی فکیشن کو واپس لے لیا۔ حکومت نے الیکشن کمیشن کی ہدایت پر تینوں ایڈمنسٹریٹر کو عہدوں سے ہٹایا تھا۔
