The news is by your side.

Advertisement

وزیر اعظم کی ایم کیو ایم کو پارٹی دفاتر کھولنے کے حوالے سے تحفظات جلد دور کرنے کی یقین دہانی

اسلام آباد : وزیر اعظم عمران خان نے ایم کیو ایم کو پارٹی دفاترکھولنے کے حوالے سے تحفظات جلد دور کرنے کی یقین دہانی کراتے ہوئے سندھ کی ترقی کی لیے ملکر ساتھ چلنے کے عزم کا اعادہ کیا۔

تفصیلات کے مطابق وزیر اعظم عمران خان سے ایم کیو ایم کے وفد کی ملاقات ہوئی ، ایم کیو ایم وفد کی قیادت ڈاکٹر خالد مقبول صدیقی نے کی جبکہ وفد میں وفاقی وزیر امین الحق سمیت ایم کیو ایم اراکین قومی اسمبلی موجود تھے۔

ملاقات میں سینیٹ الیکشن، ورکنگ ریلیشن شپ ، کراچی پیکج اور ترقیاتی منصوبوں پر گفتگو کی گئی ، ذرائع کا کہنا ہے کہ ایم کیو ایم وفد نے پارٹی دفاترنہ کھلنے اور لاپتہ کارکنان کا معاملہ اٹھایا جبکہ سندھ سینیٹ الیکشن کےدوران دھمکانے ، ہارس ٹریڈنگ سے بھی آگاہ کیا۔

ذرائع کے مطابق وزیراعظم نے ایم کیو ایم کے پارٹی افیسسز کھولنے سمیت تمام تحفظات دور کرنے کی یقین دہانی کراتے ہوئے کہا کراچی کی ترقی اولین ترجیح ہے، ترقیاتی منصوبوں کو جلد مکمل کرکے عوام کو ریلیف دیں گے۔

وزیراعظم کا ایم کیو ایم کے وفد سے گفتگو میں سندھ کی ترقی کی لیے ملکر ساتھ چلنے کے عزم کا اظہار کرتے ہوئے کہنا تھا کہ اندرون سندھ نوکریوں ودیگر مسائل پر کام کررہے ہیں، سندھ میں جلدثمرات نظر آئیں گے۔

ایم کیو ایم رہنما خالد مقبول صدیقی نے کہا سینیٹ الیکشن میں ایم کیو ایم کی بھرپور حمایت تحریک انصاف کیساتھ ہے ،چاہتے ہیں کراچی کے لئےکئےگئے وعدے جلد پورے ہوں۔

Comments

یہ بھی پڑھیں