The news is by your side.

Advertisement

ایم کیوایم پاکستان کا اپنے 11 ارکان اسمبلی کےخلاف ریفرنس دائر

کراچی : ایم کیوایم پاکستان نے الیکشن کمیشن میں 11 ارکان اسمبلی کے خلاف ریفرنس دائرکردیا ، ریفرنس میں نامزد اراکین کو ڈی سیٹ کرنے کی استدعا کی گئی۔

تفصیلات کے مطابق ایم کیوایم پاکستان نے نو صوبائی ، دو قومی اسمبلی ارکان کےخلاف الیکشن کمیشن میں ریفرنس دائرکیا، ریفرنس ایم کیو ایم پاکستان کے سربراہ فاروق ستارکی جانب سے دائر کیا گیا۔

ایم کیو ایم پاکستان کے جن اراکین کیخلاف ریفرنس دائر کیا گیا، ان میں ارکان قومی اسمبلی آصف حسنین اور سلمان مجاہد جبکہ ارکان صوبائی اسمبلی میں دلاور خان ،محمود عبدالرزاق ،ارتضیٰ فاروقی ،ندیم رازی ،عارف مسیح بھٹی ،بلقیس مختیار،ارم عظیم شامل ہیں۔


مزید پڑھیں : ایم کیو ایم پاکستان کاپارٹی چھوڑنے والے ارکان کے خلاف ایکشن


ریفرنس میں استدعا کی گئی ہے کہ نامزد اراکین کو ڈی سیٹ کیا جائے، جو دوسری جماعتوں میں شامل ہوگئے ہیں۔

اراکین میں سے 10 نے پی ایس پی اور ایک نے پیپلزپارٹی میں شمولیت اختیارکی۔

خیال رہے کہ حال ہی میں ایم کیو ایم پاکستان کے رکن قومی اسمبلی سلمان بلوچ نے پاک سرزمین پارٹی میں شمولیت اختیار کرتے ہوئے کہا ہے کہ فاروق ستار سمیت تمام لوگ لندن رابطے میں ہیں، متحدہ نے پھر مہاجر صوبے کی سیاست شروع کردی۔

آصف حسنین نے گزشتہ سال 28 اگست کو پارٹی چھوڑنے کا اعلان کیا تھا۔


مزید پڑھیں :  ڈپٹی مئیر کراچی ارشد وہرہ کو نا اہل قرار دیا جائے، فاروق ستار


یاد رہے کہ اس سے قبل ایم کیو ایم پاکستان کے سربراہ نے ڈپٹی مئیر کراچی ارشد وہرہ کو نا اہل قرار دینے کیلئے الیکشن کمیشن کو خط لکھا تھا۔

خط میں کہا گیا تھا کہ ڈپٹی میئر کا پارٹی تبدیل کرنا الیکشن کمیشن کے قوانین کی خلاف ورزی ہے، بلدیاتی انتخابات جماعتی بنیادوں پر ہوئے۔ قانون کے مطابق پارٹی چھوڑنے پر شخص عہدہ رکھنے کا اہل نہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

Print Friendly, PDF & Email

Comments

comments

یہ بھی پڑھیں