The news is by your side.

Advertisement

ایم کیو ایم رکن سندھ اسمبلی یوسف شہوانی کا پی ایس پی میں شمولیت کا فیصلہ

کراچی : پاک سرزمین پارٹی نے ایم کیوایم کی ایک اور پتنگ کاٹ دی ، رکن سندھ اسمبلی یوسف شہوانی نے پی ایس پی میں شمولیت کا فیصلہ کرلیا ہے۔

تفصیلات کے مطابق ایم کیو ایم پاکستان کے آپسی تنازعات دھڑے بندی کے باعث منتخب اراکین اسمبلی اور ذمہ داران و کارکنان کی پتنگیں کٹنے کا سلسلہ تیزی سے جاری ہے، رکن سندھ اسمبلی یوسف شاہوانی نے بھی پی ایس پی میں شامل ہونے کا فیصلہ کرلیا۔

یوسف شاہوانی باضابطہ طور پر پریس کانفرنس کرتے ہوئے پاک سرزمین پارٹی میں شمولیت کا باقاعدہ اعلان  کریں گے۔

یوسف شاہوانی پی ایس 90 بلدیہ ٹاؤن سے رکن سندھ اسمبلی منتخب ہوئے تھے۔

یاد رہے کہ گذشتہ چند روز کے دوران متحدہ پاکستان کے متعدد اراکین اسمبلی نے پاک سرزمین پارٹی میں شمولیت اختیار کرچکے ہیں، جن میں رکن سندھ اسمبلی سلیم بندھانی ، شبیرقائم خانی ، رکن قومی اسمبلی محوب عالم اورایم پی اے سیف الدین خالد، رکن اسمبلی فوزیہ حمیدشامل ہیں۔

اس سے قبل پی ایس پی ذرائع کا کہنا تھا کہ ایم کیو ایم کے بیشتر اراکین اسمبلی نے متحدہ قیادت سے رابطے ختم کردیے ہیں اور اب وہ عنقریب پاک سرزمین پارٹی میں شمولیت اختیار کریں گے، یہ شمولیتیں مرحلہ وار اور باقاعدہ اعلان کے ساتھ کی جائیں گی۔

خیال رہے کہ ایم کیو ایم پاکستان کے اراکین اسمبلی و بلدیاتی نمائندے بشمول ڈپٹی میئر کراچی ارشد وہرہ سمیت متعدد رہنما پی ایس پی میں شمولیت کا اختیار کر چکے ہیں جن کے خلاف فاروق ستار نے الیکشن کمیشن نے ڈی سیٹ کرنے کی استدعا کی تھی۔

ارکان میں رکن قومی اسمبلی آصف حسنین، جبکہ اراکین سندھ اسمبلی ارم عظیم فاروقی، شیخ عبداللہ، خالد بن ولایت، ارتضیٰ خلیل، ندیم راضی، عبدالرزاق، عارف مسیح اور بلقیس مختیار شامل تھیں تاہم اُس درخواست پر کوئی بڑی پیشرفت سامنے نہ آسکی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں