The news is by your side.

Advertisement

حکومتی وفد سے ملاقات ، ایم کیو ایم نے اپنا ایجنڈا تیار کر لیا

بال تحریک انصاف کےکورٹ میں ہے،دیکھتے ہیں کیا لے کر آر ہے ہیں، ذرائع

کراچی : ایم کیو ایم نے حکومتی وفد سے ملاقات کے لیے اپنا ایجنڈاتیار کر لیا ، جس میں کراچی پیکج ، حلقہ بندیوں کامعاملہ ، ترقیاتی کاموں میں سست روی اور دونوں جماعتوں میں 2تحریری معاہدوں پر عملدرآمد شامل ہیں۔

تفصیلات کے مطابق ایم کیو ایم نے حکومتی وفد کے سامنے پیش کرنے کے لئے اپنا ایجنڈا تیار کرلیا ہے ، ذرائع کا کہنا ہے کہ کراچی پیکج، حیدرآباد یونیورسٹی، مردم شماری اور حلقہ بندیوں کامعاملہ اٹھایاجائے گا۔

ذرائع کے مطابق ترقیاتی فنڈز،زیرالتوا،ترقیاتی کاموں میں سست روی ، پانی اور ٹرانسپورٹ کا منصوبہ بھی ایجنڈےمیں شامل ہیں جبکہ دونوں جماعتوں میں 2تحریری معاہدوں پر عمل کا بھی ملاقات میں جائزہ لیا جائےگا۔

ایم کیو ٰایم ذرائع کا کہنا ہے کہ طاقتوربلدیاتی نظام، کراچی ، حیدرآباد فنڈز بھی ایم کیو ایم کے مطالبے کےاہم نکات ہیں ، وزارتوں کی بات ہی نہیں ، معاملہ شہری سندھ کے مسائل کا ہے ، بال تحریک انصاف کےکورٹ میں ہے،دیکھتے ہیں کیا لے کر آر ہے ہیں۔

خیال رہے جہانگیرترین، پرویزخٹک اور اسدعمر3 بجے ایم کیو ایم کے مرکز بہادرآباد پہنچیں گے ، جہاں وہ ڈاکٹرخالدمقبول صدیقی اور رابطہ کمیٹی سے ملاقات کریں گے۔

مزید پڑھیں : جہانگیرترین اور پرویزخٹک آج ایم کیوایم کے مرکز بہادرآباد جائیں گے

ذرائع کا کہناتھا کہ ملاقات میں ڈاکٹرخالد مقبول صدیقی کومنانےاور ان کے تمام جائز مطالبات اور تحریری معاہدے کے حوالے سے عمل درآمد کا جائزہ لیا جائے گا،وفد مطالبات جلد پورا کرنے کی یقین دہانی اور وزیراعظم کا خصوصی پیغام بھی پہنچائے گا۔

یاد رہے 12 جنوری کو ڈاکٹر خالد مقبول صدیقی کی جانب سے استعفی کا اعلان کیا گیا تھا، جس کے دوسرے ہی روز 13 جنوری کو وفاقی وزیر اسد عمر ایم کیو ایم پاکستان کو منانے بہادرآباد گئے تھے تاہم ڈاکٹر خالد مقبول صدیقی نے اپنا فیصلہ واپس لینے سے صاف انکار کردیا تھا اور پھر 16 جنوری کو اپنا استعفی بھی وزیر اعظم عمران خان کو ارسال کردیا تھا۔

fb-share-icon0
Tweet 20

Comments

comments

یہ بھی پڑھیں