site
stats
سندھ

نیک نیتی سے شہر کی خدمت کریں گے، فاروق ستار

کراچی: ایم کیو ایم پاکستان کے سربراہ فاروق ستار  نے کہا ہے کہ ہم  نیک نیتی سے شہر کی خدمت کا جذبہ رکھتے ہیں جبکہ متحدہ پاکستان کے رہنما عامرخان نے شاہ فیصل میں بدمزگی کے بعد ایم کیو ایم لندن کو آڑے ہاتھوں لیا۔

تفصیلات کے مطابق شہر قائد میں میئر کراچی کی جانب سے سوروزہ صفائی مہم کا آغاز کردیا گیا، اس موقع پر ایم کیو ایم پاکستان کے مرکزی رہنما فاروق ستار نے کہا کہ  صرف صفائی نہیں بلکہ نظام بھی دیں گے، انہوں نے شاعرانہ انداز میں صفائی مہم  کامیاب بنانے کے عزم کااظہار کیا۔

اس موقع پر متحدہ پاکستان کے رہنما عامر خان نے میڈیا سے گفتگو کرتے ہوئے کہا کہ لندن کچھ لوگ رہنما بن کر آرام سے بیٹھے ہیں اور وہ کراچی کے کارکنوں کے لیے مصیبتیں بڑھا رہے ہیں۔


پڑھیں: ’’ میئر کراچی کی 100 روزہ صفائی مہم کا آغاز ‘‘


انہوں نے لندن قیادت پر برستے ہوئے یہ بھی کہا کہ لندن میں بیٹھے افراد وہاں سے ہدایت دینے کے بجائے گراؤنڈ پر آئیں اور کام کرکے دکھائیں۔


مزید پڑھیں: ’’ اختیارات محدو صحیح، عزائم لا محدود ہیں، وسیم اختر ‘‘


دوسری جانب ندیم نصرت نے سماجی رابطے کی ویب سائٹ پر بانی ایم کیو ایم کا ایک پیغام جاری کیا جس میں انہوں نے کہا کہ ’’صفائی مہم کے دوران میئر کراچی کی آمد پر کسی قسم کا احتجاج نہ کیا جائے بلکہ انہیں کام کرنے کا موقع دیا جائے۔

خیال رہے ایم کیو ایم پاکستان نے شہر کراچی کے لیے 100 روزہ خصوصی پیکچ متعارف کروایا ہے جس دوران بلدیاتی نمائندے اپنے علاقوں میں صفائی ستھرائی کریں گے۔
Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top