The news is by your side.

Advertisement

متحدہ قومی موومنٹ کے زیر اہتمام افطار ڈنر، اہم سیاسی رہنماؤں اور شخصیات کی شرکت

کراچی : متحدہ قومی موومنٹ پاکستان کے کنوینئر ڈاکٹر خالد مقبول صدیقی نے کہا کہ پاکستان جس نازک دورسے گزررہا ہے اس میں ہم سب کو آپس کے اختلافات کو بھلا کر آگے بڑھنے ضرورت ہے۔

ان خیالات کا اظہار انہوں نے گزشتہ روز مقامی بینکویٹ میں منعقدہ ایم کیو ایم پاکستان کے سالانہ افطار ڈنر سے خطاب کرتے ہوئے کیا۔ ایم کیو ایم کے سالانہ افطار ڈنر میں میں مختلف سیاسی ، مذہبی، سماجی جماعتوں کے رہنماﺅں نے شرکت کی۔

اس موقع پر ایم کیو ایم پاکستان کے کنوینر ڈاکٹر خالد مقبول صدیقی نے کہا کہ یہ تقریب شہرکراچی کی نمائندہ تقریب کہی جاسکتی ہے جس میں صحافت،سیاست، ادب، فنون و لطیفہ سے تعلق رکھنے والے افراد کی شرکت نے اس محفل کو مزید چار چاند لگادیئے۔

افطار ڈنر میں وفاقی وزیر ریلوے شیخ رشید احمد، سابق وزیر خزانہ اسد عمر، مہاجر قومی موومنٹ کے چیئرمین آفاق احمد لگ بھگ 29سال بعد ایم کیو ایم کی تقریب میں شریک ہوئے۔

ان کے علاوہ افطار ڈنر میں فنکشنل لیگ کے سربراہ پیرصبغت اللہ راشدی المعروف پیرپگارا ان کے چھوٹے بھائی راجہ سائیں ، سینئررہنما نصرت سحر عباسی بھی موجود تھیں۔

ایم کیوایم کے زیراہتمام یہ دعوت افطار و ڈنر اس لئے بھی انفرادیت کی حامل تھی کہ اس کا نظم وضبط مثالی تھا اس میں شرکت کرتے والے افراد شہر کے ہی نہیں پورے ملک سے تعلق رکھنے والے نمائندہ افراد شریک تھے۔

Comments

comments

یہ بھی پڑھیں