The news is by your side.

Advertisement

ایم کیو ایم کی رکن قومی اسمبلی پی ایس پی میں شامل

کراچی: ایم کیو ایم پاکستان کی رکن اسمبلی فوزیہ حمید نے اپنی پارٹی کو خیرباد کہتے ہوئے پاک سرزمین پارٹی میں شمولیت کا اعلان کردیا۔

تفصیلات کے مطابق ایم کیو ایم پاکستان کی دو روز میں پاک سرزمین پارٹی نے تیسری وکٹ اُس وقت حاصل کی کہ جب رکن قومی اسمبلی ڈاکٹر فوزیہ حمید پی ایس اپی کے مرکز پاکستان ہاؤس پہنچیں۔

چیئرمین پی ایس پی مصطفیٰ کمال نےرہنماایم کیوایم فوزیہ حمیدکااستقبال کیا اور انہیں پارٹی میں شمولیت کا فیصلہ کرنے پر خوش آمدید کہا۔ اس موقع پر پریس کانفرنس کرتے ہوئے پی ایس پی کے سربراہ کا کہنا تھا کہ ہمارے نظریے کو دبانے کے لیے ہر طرح کے ہتھکنڈے استعمال کرتے ہوئے بے بنیاد الزامات لگائے گئے مگر عوام نے ساری چیزوں کو مسترد کردیا۔

اُن کا کہنا تھا کہ شہر قائد میں میرےکارکن پرتشددکیاگیا مگر انہوں نے کبھی پلٹ کر وارنہیں کیا، ہم پر عائد ہونے والے تمام الزامات وقت نے خود غلط ثابت کردیے یہی وجہ ہے کہ لوگ ہماری پارٹی میں شمولیت اختیار کررہے ہیں۔

مزید پڑھیں: ایم کیو ایم پاکستان کی 2 خواتین رکن سندھ اسمبلی پی ایس پی میں شامل

مصطفیٰ کمال نے دعویٰ کیا کہ ایم کیو ایم سمیت دیگر جماعتوں کے 20 ہزار اراکین ہمارے رابطوں میں ہیں اور وہ جلد پی ایس پی کا حصہ بنیں گے، آئندہ عام انتخابات میں ہماری جماعت صوبائی سطح پر بڑی جماعت بن کر ابھرے گی۔

پاک سرزمین پارٹی میں شمولیت کیوں اختیار کی؟

پی ایس پی میں شمولیت اختیار کرنے والی ایم کیو ایم کی رکن قومی اسمبلی فوزیہ حمید کا کہنا تھا کہ گذشتہ 2 ماہ کے دوران پارٹی میں جو کچھ ہوا اُس کی وجہ سے بہت سے لوگ دلبرداشتہ ہوئے، پی آئی بی اور بہادرآباد والوں نے 2 مہینوں میں بند باٹ کی اور جوتیوں میں دال بانٹی۔

اُن کا کہنا تھا کہ کراچی والے ایم کیو ایم سے تواقعات رکھتے تھے مگر پارٹی قیادت نے آپسی جھگڑوں کی وجہ سے اُن کی امیدوں پر پانی پھیر دیا، دنیا جانتی ہے کہ مصطفیٰ کمال نے شہر کے لیے کام کیا یہی وجہ ہے کہ عوام اب پاک سرزمین پارٹی کی طرف دیکھ رہے ہیں۔

واضح رہے کہ گذشتہ روز  رکن سندھ اسمبلی ناہید بیگم اور نائلہ منیر نے پاک سرزمین پارٹی میں شمولیت اختیارکی تھی، اس موقع پر مصطفی کمال نے پی آئی بی اور بہادرآباد کے رہنماؤں کو فیصلے پر نظرثانی کرنے اور پی ایس پی میں شمولیت کی دعوت دی تھی۔

خیال رہے کہ ایم کیو ایم پاکستان  کے  اراکین اسمبلی و بلدیاتی نمائندے بشمول  ڈپٹی میئر کراچی ارشد وہرہ سمیت متعدد رہنما  پی ایس پی میں شمولیت کا اختیار کر چکے ہیں جن کے خلاف فاروق ستار نے الیکشن کمیشن نے ڈی سیٹ کرنے کی استدعا کی تھی۔

ارکان میں رکن قومی اسمبلی آصف حسنین، جبکہ اراکین سندھ اسمبلی ارم عظیم فاروقی، شیخ عبداللہ، خالد بن ولایت، ارتضیٰ خلیل، ندیم راضی، عبدالرزاق، عارف مسیح اور بلقیس مختیار شامل تھیں تاہم اُس درخواست پر کوئی بڑی پیشرفت سامنے نہ آسکی۔

Comments

comments

یہ بھی پڑھیں