The news is by your side.

Advertisement

ایم کیوایم نے وزیر اعظم کو مشترکہ اجلاس میں مکمل ساتھ دینے کی یقین دہانی کرا دی

اسلام آباد: وزیر اعظم عمران خان سے ایم کیو ایم وفد نے ملاقات کی ہے، ذرائع کا کہنا ہے کہ ایم کیوایم نے وزیر اعظم کو مشترکہ اجلاس میں مکمل ساتھ دینے کی یقین دہانی کرا دی ہے۔

تفصیلات کے مطابق ملاقات میں ایم کیو ایم نے وزیر اعظم سے اپنے مطالبات پر بھی بات کی، حکومتی ذرائع کا کہنا ہے کہ ایم کیو ایم کو ترقیاتی منصوبوں کے مطالبات کی جلد حل کی یقینی دہانی کرائی گئی۔

وزیر اعظم عمران خان سے وزیر اعلیٰ پنجاب عثمان بزدار نے بھی ملاقات کی، جس میں موجودہ سیاسی صورت حال کا جائزہ لیا گیا، اور مشترکہ پارلیمنٹ اجلاس کی حکمت عملی پر مشاورت کی گئی۔

ذرائع کا کہنا ہے کہ عثمان بزدار نے پنجاب میں جاری منصوبوں پر وزیر اعظم کو بریفنگ دی، وزیر اعلیٰ پنجاب آج ارکان کے اعزاز میں عشائیہ بھی دیں گے۔

ادھر پارلیمان کے مشترکہ اجلاس سے قبل حکومت نے ایک اور کامیابی حاصل کر لی ہے، بلوچستان عوامی پارٹی اپنے ناراض سینیٹر کہدہ بابر کو منانے میں کامیاب ہو گئی ہے۔

بی اے پی سیکریٹری جنرل منظور کاکڑ نے ناراض سینیٹر کہدہ بابر سے ملاقات کی، ذرائع کا کہنا ہے کہ منظور کاکڑ نے کہدہ بابر کو دوبارہ پارٹی میں فعال ہونے کی درخواست کی، منظور کاکڑ نے پارٹی صدر ظہور بلیدی کا پیغام بھی پہنچایا، یاد رہے کہ اس سے قبل عبدالقدوس بزنجو بھی کہدہ بابر کو دراخوست کر چکے ہیں۔

Comments

یہ بھی پڑھیں