دادو: کارکنان کی گرفتاریوں کے خلاف ایم کیو ایم کی احتجاجی ریلی -
The news is by your side.

Advertisement

دادو: کارکنان کی گرفتاریوں کے خلاف ایم کیو ایم کی احتجاجی ریلی

دادو : ایم کیو ایم کی جانب سے کارکنان کی گمشدگی اور بلاجواز گرفتاریوں کے خلاف زون آفس حیدرآباد سے دادو پریس کلب تک ریلی نکالی گئی۔

تفصیلات کے مطابق سابق زونل انچارج ندیم قاضی سمیت کارکنان کی گمشدگی اور گرفتاریوں کے خلاف ایم کیو ایم کی جانب سے حیدر آباد کے انچارج غلام علی شاہانی، نثار پہنور کی قیادت میں ریلی نکالی گئی۔

حیدرآباد سے شروع ہونے والی ریلی کے شرکاء کی بڑی تعداد نے دادو پریس کلب پہنچ کر احتجاجی دھرنا دے دیا۔

اس موقع پر ایم کیو ایم کے رہنماؤں نے مظاہرین سے خطاب کرتے ہوئے کہا کہ ’’ ماضی کی طرح ایم کیو ایم کے کارکنان کو بلاجواز گرفتار اور لاپتہ کر کے غریبوں اور متوسط طبقے کی نمائندہ جماعت کو ختم کرنے کی کوششیں کی جارہی ہیں۔

مزید پڑھیں – سکھر : کارکنوں کی گرفتاریوں کے خلاف ایم کیو ایم کا احتجاجی کیمپ نصب

 انہوں نے مزید کہا کہ بے گناہ کارکنان کو گھروں سے گرفتار کرکے اُن پر تشدد کیا جارہا ہے، جس سے کارکنان اور ان کے اہل خانہ میں اشتعال پیدا ہورہا ہے۔

نثار پنہور نے اعلیٰ حکام سے مطالبہ کیا کہ کارکنوں کی گرفتاریوں کا سلسلہ فی الفور بند کیا جائے اور ایم کیو ایم کے لاپتہ کارکنان کو بازیاب کروایا جائے۔

 

Comments

comments

یہ بھی پڑھیں