site
stats
پاکستان

سندھ حکومت سے مذاکرات کامیاب، متحدہ کا دھرنا ختم

کراچی : متحدہ قومی موومنٹ نے سندھ حکومت سے مذاکرات کے بعد پانی کی قلت کے خلاف وزیراعلیٰ ہاؤس کے باہر دھرنا ختم کرنے کا اعلان کردیا، متحدہ رہنمائوں نے کہا ہے کہ پانی کامسئلہ اگر ایک ہفتے میں حل نہ ہوا تو دوبارہ دھرنا دیں گے۔

وزیراعلیٰ ہاؤس کے باہر میڈیا سے گفت گو کرتے ہوئے خواجہ اظہار الحسن نے کہا کہ احتجاج رابطہ کمیٹی کی ہدایت پر ختم کیا جارہا ہے، حکومت کو پانی کا مسئلہ حل کرنے کے لیے ایک ہفتے کا وقت دے دیا ہے اگر ایک ہفتے میں نتائج نظر نہ آئے تو دوبارہ دھرنا دیں گے۔

دھرنے میں فاروق ستار، خالد مقبول صدیقی، وسیم اختر اور دیگر رہنمائوں سمیت کارکنوں کی بڑی تعداد شریک تھی جنہوں نے تمام رکاوٹیں عبور کرتے ہوئے وزیراعلیٰ ہائوس پہنچ کر دھرنا دیا۔

سندھ حکومت نے متحدہ قومی موومنٹ کو غیر قانونی واٹر کنکشنز کے ٰخلاف آپریشن کا یقین دہانی دلایا ہے ۔ سندھ حکومت نے کہا ہے کہ ہنگامی طور پر پانی کی فراہمی یقینی بنائی جائے گی، تمام علاقوں کو پانی کی منصفانہ تقسیم کا از سرنو جائزہ لیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top