site
stats
پاکستان

ایم کیوایم کا چھاپوں اور گرفتاریوں کے خلاف آج احتجاج کا اعلان

کراچی: متحدہ قومی موؤمنٹ نے کراچی میں مختلف مقامات پر چھاپوں اورکارکنوں کی گرفتاری پر آج احتجاج کا اعلان کیا ہے۔

تفصیلات کے مطابق کراچی میں ایم کیوایم نے چھاپوں اور گرفتاریوں کے خلاف آج احتجاج کا اعلان کیا ہے، احتجاجی ریلی لیاقت آباد10 نمبر سے ڈاکٹر ضیاء الدین روڈ تک جائے گی، ایم کیو ایم پاکستان اور لندن کے رات گئے ہنگامی اجلاس میں احتجاج کا فیصلہ کیا گیا.

اس سے قبل کورنگی میں رینجرز نے چھاپہ مار کارروائی کے دوران ایم کیوایم کے سیکٹر آفس میں موجود دس افراد کو حراست میں لے لیا، گرفتار افراد میں سیکٹر انچارج وسیم شمع، فنانس سیکریٹری اصغر یعقوب بھی شامل ہیں.

ذرائع کے مطابق زیرحراست افراد کو تفتیش کیلئے نامعلوم مقام پر منتقل کردیا گیا، ایم کیو ایم کے رہنما فاروق ستار نے ڈی جی رینجرز کا فون کر کے چھاپے سے متعلق تحفظات سے آگاہ کیا، جس پر ڈی جی رینجرز نے جواب دیا کہ بے گناہ افراد کو چھوڑ دیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top