The news is by your side.

Advertisement

کراچی: ایم کیوایم کا صوبائی الیکشن کمیشن کے دفتر کے باہر احتجاج

کراچی:ایم کیوایم کا صوبائی الیکشن کمیشن کے دفتر کے باہر احتجاج جاری ہے۔

ایم کیو ایم کا سندھ میں میئر اور ڈپٹی میئر اور اقلیتوں،خواتین اورنوجوانوں کی مخصوص نشستوں کے انتخابات میں تاخیری حربوں، بلدیاتی اداروں کو ان کے اختیارات سے محروم کرنے اور سندھ حکومت کے غیرآئینی وغیرقانونی ہتھکنڈوں کے خلاف صوبائی الیکشن کمیشن آفس کے سامنے پرامن احتجاج کر رہی ہے۔

احتجاج میں رابطہ کمیٹی، منتخب بلدیاتی نمائندے کونسلرز، یوسی چیئرمین ،وائس چیئرمین ،خواتین سمیت تنظیمی شعبہ جات کے ذمہ داران وکارکنان شریک ہے، مظاہرین حکومت سندھ کیخلاف شدید نعرے بازی کر رہے ہیں۔

مظاہرین کا کہنا ہے کہ حکومت سندھ میئر ڈپٹی میئر،چیئرمین اور وائس چیئرمین کے انتخابات کرانے میں تاخیرکررہی ہے، چیف جسٹس فوری طوراس پر سوموٹو ایکشن لیں ، الیکشن کمیشن فی الفور مخصوص نشستوں پر انتخابات کے شیڈول کا اعلان کریں، بلدیاتی امورمیں وزیر بلدیات مسلسل مداخلت کررہے ہیں اسکابھی نوٹس لیا جائے، بڑے بڑے جعلی بلز پاس کراکرخزانہ خالی کیاجارہا ہے، من پسند ٹھیکیداروں کو ٹھیکے دیے جارہے ہیں۔

Comments

comments

یہ بھی پڑھیں