The news is by your side.

Advertisement

کراچی، ایم کیو ایم نے پاک افواج کے حق میں بینرز آویزاں‌ کردئیے

بابائے قوم کا مزار رائیونڈ یا گڑھی خدا بخش نہیں، خواجہ اظہار کی تنقید

کراچی: شہر قائد میں ایم کیو ایم پاکستان کی جانب سے پاک افواج کے حق میں بینرز آوایزاں کردئیے گئے۔

اے آر وائی نیوز کی رپورٹ کے مطابق کراچی کے مختلف علاقوں میں ایم کیو ایم پاکستان نے پاک افواج کے حق میں بینرز لگادئیے، شہر بھر میں لگائے گئے بینرز پر شہیدوں کو سلام اور پاک فوج زندہ باد کے نعرے درج ہیں۔

آویزاں کیے گئے بینرز میں یہ بھی لکھا گیا ہے کہ دہشت گردی کے خلاف پاک افواج کے ساتھ ہیں۔

علاوہ ازیں ایم کیو ایم رہنماؤں خواجہ اظہار اور فیصل سبزواری نے گزشتہ روز پی ڈی ایم جلسے سے قبل مزار قائد کے تقدس کی پامالی کی شدید الفاظ میں مذمت کی ہے۔

بابائے قوم کا مزار رائیونڈ یا گڑھی خدا بخش نہیں، خواجہ اظہار

خواجہ اظہار الحسن کا کہنا تھا کہ بابائے قوم قائد اعظم کا مزار رائیونڈ یا گڑھی خدا بخش نہیں ہے جہاں سیاسی جماعت سیاسی نعرے لگائے۔

انہوں نے کہا کہ اردو کو قومی زبان نہ ماننے والا پاکستان کا دشمن ہے، محمود اچکزئی نے کراچی میں لسانیت اور تعصب پھیلایا۔

پیپلزپارٹی شہر میں کام نہیں کرتی، صوبہ بننا ضروری ہے، فیصل سبزواری

فیصل سبزواری کا کہنا تھا کہ پیپلزپارٹی نے تیرہ سال میں ہزاروں ارب روپے کے بجٹ کے باوجود کراچی کو اسپتال، تعلیمی ادارے، ٹرانسپورٹ اور صاف پانی نہیں دے سکی، پیپلزپارٹی شہر میں کام نہیں کرتی، صوبہ بننا ضروری ہے۔

Comments

یہ بھی پڑھیں