site
stats
پاکستان

قائد ایم کیوایم برطانوی شہری ہیں،ریفرنس بھیجوا رہے ہیں،پرویزرشید

لاہور : وفاقی وزیراطلاعات پرویزرشید نے کہا ہے کہ ایم کیو ایم کے قائد برطانوی شہری ہیں ان کے خلاف کارروائی کے لیے برطانیہ ریفرنس بھی بھیجوایا ہے

ایکسپو سنٹر لاہورمیں ٹیکسٹائل نمائش کے دورے کے موقع پرمیڈیا سے گفتگو کرتے ہوئے وفاقی وزیر اطلاعات پرویز رشید نے کہا کہ قائد ایم کیو ایم کی تقریرکے بعد اے آر وائی نیوز، سماء اور دیگر چینلز پر حملے ہوئے لیکن سب سے زیادہ نقصان اے آر وائی نیوز کو پہنچا۔

انہوں نے دعویٰ کیا کہ اب لندن والا کراچی کو بند نہیں کراسکتا، پہلے لندن والے کے ایک اشارے پر ٹرانسپورٹ بند اور مکمل شٹر ڈاؤن ہو جاتا تھا لیکن اب ایسا نہیں ہے۔

انہوں نے مزید کہا کہ 2013 سے پہلے لندن والے کی تقریر کے بعد کراچی میں ایک دن کے اندر 100 لاشیں گر جاتی تھیں اور چھ چھ دن کاروبار بند رہتا تھا جب کہ نوازشریف کی قیادت میں کراچی آپریشن کے بعد حالات میں بہتری آئی ہےاورکراچی والوں نے لندن سے تعلق توڑ لیا ہے۔

قبل ازیں تقریب سے خطاب کرتے ہوئے پرویز رشید کا کہنا تھا کہ پاکستانی معیشت کی تیزرفتارترقی کا غیرملکی میڈیا نے بھی اعتراف کیا ہے، آج انڈسٹری کیلئے بجلی کی لوڈ شیڈنگ نہیں ہے جبکہ بجلی کی قیمتوں میں بھی حکومت نے کمی کی ہے۔

انہوں نے تحریک انصاف کے سربراہ کو ہدف تنقید بناتے ہوئے کہا کہ ہم ترقیاتی منصوبے شروع کریں گے اورعمران خان صرف دھرنے ہی دیتا رہے گا کیوں کہ عمران خان کوعدالتوں اور سڑکوں کے علاوہ اپنے اوپر بھی اعتماد نہیں رہا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top