site
stats
پاکستان

کراچی:ریلی نکالنے پر ایم کیوایم کے10 رہنماؤں کیخلاف مقدمہ

کراچی : احتجاجی ریلی نکالنے پر فاروق ستار،حیدرعباس رضوی اور واسع جلیل سمیت ایم کیوایم کے دس رہنماؤں کے خلاف مقدمہ درج کرلیا گیا، جس کی کاپی اے آروائی نیوز نے حاصل کرلی۔

کراچی میں ایم کیوایم کی بلااجازت احتجاجی ریلی کے خلاف پولیس نے مقدمہ درج کرلیا، سولجر بازار تھانے میں ایم کیو ایم کے دس رہنماؤں سمیت پندرہ سو سے زائد نامعلوم افراد کیخلاف مقدمہ درج کیا گیا.

جس میں فاروق ستار،وسیم اختر،حیدرعباس رضوی،واسع جلیل،فیصل سبزواری، کنور نوید جمیل،محمد حسین، نسرین جلیل، کمال پاشااورخالد کو نامزد کیا گیا.

مقدمے میں احتجاجی ریلی میں لوگوں کو جمع کرنے، مرکزی شارع بلاک کرنے اور لاؤڈ اسپیکر کے استعمال کی دفعات شامل کی گئیں، ایف آئی آر کی کاپی اےآروائی نیوز نے حاصل کرلی۔

دوسری جانب واسع جلیل نے اپنے ٹویٹ میں مقدمے پر ردعمل کا اظہار کرتے ہوئے کہا کہ سندھ حکومت ذہنی توازن کھو چکی ہے، وہ لندن میں موجود ہیں اسکے باوجود ان پربھی مقدمہ درج کرلیا گیا۔

یاد رہے کہ ایم کیوایم نے کارکنان کی گرفتاریوں کےخلاف گزشتہ روز ریلی نکالی تھی.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top