The news is by your side.

Advertisement

متحدہ کی رجسٹریشن منسوخی ، درخواستیں سماعت کے لیے مقرر

لاہور: ہائی کورٹ کے فل بنچ نے ایم کیو ایم پر پابندی اور متحدہ کے قائد سمیت رہنماوں کے خلاف آرٹیکل 6 کا مقدمہ چلانے کی درخواستیں سماعت کے لیے مقرر کر دی گئیں ، جس کی سماعت 24 نومبر کو ہو گی ۔

تفصیلات کے مطابق ایم کیو ایم کی رجسٹریشن منسوخی کےلیے دائر درخواستوں کی سماعت جسٹس مظاہر علی اکبر نقوی کی سربراہی میں تین رکنی بنچ کرے گا۔ لاہور ہائی کورٹ میں دائر درخواستوں میں درخواست گزاروں نے موقف اختیار کیا ہے کہ ’’قائد متحدہ نے پاکستان کے خلاف تقاریر کیں جن کی دیگر رہنماوں نے توثیق بھی کی۔ قائد متحدہ کی تقاریر سے ثابت ہو چکا ہے کہ ایم کیو ایم پاکستان کی سالمیت کے خلاف کام کر رہی ہے‘‘۔


پڑھیں: ’’ قائد ایم کیو ایم کی متنازعہ تقریر، مختلف تھانوں میں 3 مقدمات درج ‘‘


درخواست گزار نے مزید کہا ہے کہ قانون کے مطابق ملک مخالف کسی جماعت کو سیاست کرنے کی اجازت نہیں دی جاسکتی لہذا عدالت ایم کیو ایم کی رجسٹریشن منسوخ کرے اور قائد متحدہ سمیت دیگر رہنماوں کے خلاف آرٹیکل چھ کا مقدمہ درج کرنے کا حکم دے۔

عدالت نے وفاقی سیکرٹری داخلہ سے سماعت پر پاکستان مخالف تقاریر پر قائد متحدہ کے خلاف اب تک کی گئی کارروائی کی رپورٹ طلب کر لی ہے۔

Print Friendly, PDF & Email

Comments

comments

یہ بھی پڑھیں