The news is by your side.

ایم کیو ایم نے کراچی میڈیکل اینڈ ڈینٹل کالج کو یونیورسٹی کا درجہ دینے کا فیصلہ مسترد کردیا

کراچی : ایم کیو ایم نے پیپلز پارٹی کے کراچی میڈیکل اینڈ ڈینٹل کالج کو یونیورسٹی کا درجہ دینے کے فیصلے کو مسترد کردیا۔

تفصیلات کے مطابق پیپلز پارٹی نے کراچی میڈیکل اینڈ ڈینٹل کالج کو یونیورسٹی کا درجہ دینے کا فیصلہ کرلیا ، ایم کیو ایم نے پیپلز پارٹی کے فیصلے کی مخالفت کرتے ہوئے اسے مسترد کردیا ہے۔

ایم کیو ایم نے موقف میں کہا ہے کہ فیصلہ داخلوں اور عملے کی تقرری پر بندر بانٹ کے مترادف ہے، سندھ حکومت یونیورسٹی کا درجہ دیکر اپنا تسلط قائم کرنا چاہتی ہے۔

ایم کیو ایم کا کہنا تھا کہ سندھ حکومت میرٹ کا قتل اور مقامی طلبہ و طالبات کا حق نہ مارے ، اس یونیورسٹی کا قیام کراچی دشمنی کے مترادف ہوگا۔

ایم کیو ایم نے مطالبہ کیا کہ کے ایم ڈی سی کی خودمختاری اور آزادی بحال کیاجائے، کراچی میڈیکل اینڈ ڈینٹل کالج کراچی میٹروپولیٹن کارپوریشن کے زیرنگرانی ہے، یونیورسٹی بنانا مقصود ہی ہے تو اسکی نگرانی کے ایم سی کے پاس ہی رہنی چاہیے۔

کراچی کے طلبہ و طالبات کو ملک کی کسی بھی یونیورسٹی میں داخلے نہیں ملتے، یہ واحدادارہ ہےجہاں کراچی کےغریب طلبہ وطالبات کومیرٹ کےمطابق انکاحق ملتاہے،ا بل عددی اکثریت کی بنیاد پر قائمہ کمیٹی کے سپرد کیا گیا ہے، جس کی مخالفت کرتے ہیں۔

Comments

یہ بھی پڑھیں