The news is by your side.

Advertisement

ایم کیو ایم کے استعفوں کےمعاملے پرآئندہ ہفتے غورکریں گے، آغاسراج درانی

کراچی : اسپیکرسندھ اسمبلی آغا سراج درانی کا کہنا ہے کہ ایم کیوایم کے استعفوں کے معاملے پر آئندہ ہفتے غور کریں گے، ایم کیوایم کے استعفوں کی علیحدہ علیحدہ تصدیق کی جائیگی۔

ایم کیوایم کے استعفوں سے نیا بحران پیدا ہوگیا ہے، ایم کیوایم کے استعفوں کے معاملے پر پیپلزپارٹی کی قیادت نے فیصلہ کرلیا، اسپیکر سندھ اسمبلی آغا سراج درانی نے اپنے بیان میں کہا ہے کہ ایم کیوایم کےاستعفوں کی اسکروٹنی ابھی شروع نہیں کی، استعفوں کے معاملے پر آئندہ ہفتے غور کریں گے۔

گزشتہ روز استعفوں کے معاملے پر قائم علی شاہ نے آصف زرداری سے رابطہ کیا تھا، جس پر آصف زرداری نے پارٹی کو ہدایت جاری کی تھی کہ ایم کیو ایم کے استعفے منظور نہ کئے جائیں۔

دوسری جانب سیاسی صورتحال پر مشاورت کے لئے پارٹی کے شریک چیئرمین آصف علی زردراری نے پی پی سندھ کے رہنماؤں کا اجلاس بلانے کا بھی فیصلہ کیا ہے، پارٹی رہنماؤں کا مشاورتی اجلاس اگلے ہفتے لندن یا دبئی میں متوقع ہے، اجلاس سے پہلے سندھ اسمبلی میں ایم کیو ایم اراکین کے استعفوں پر فی الحال کسی ردِعمل سے گریز کا فیصلہ کیا گیا ہے۔

Comments

comments

یہ بھی پڑھیں