The news is by your side.

Advertisement

کراچی : مولانا فضل الرحمان آج رابطہ کمیٹی کے ارکان سے ملاقات کریں گے

کراچی : جمیعت علماء اسلام ف کے سربراہ مولانا فضل الرحمان آج ایم کیو ایم کی رابطہ کمیٹی کے ارکان سے ملاقات کریں گے۔

مولانا فضل الرحمان نے ایم کیو ایم کے اسمبلیوں سے مستعفی ارکان کو منانے کے لیے کوششیں تیز کردی ہیں، مولانا فضل الرحمان آج کراچی پہنچ رہے ہیں، جہاں وہ ایم کیو ایم کی رابطہ کمیٹی کے ارکان سے ملاقات کریں گے، ایم کیو ایم کی جانب سے مولانا فضل الرحمان کو حلیم کھانے کی دعوت دی گئی تھی جو انھوں نے قبول کر لی تھی۔

ذرائع کے مطابق مولانا فضل الرحمن نے الطاف حسین سے بات چیت کے بعد را بطہ کمیٹی سے ملاقات کا فیصلہ کیا ہے، زرائع کا کہنا ہے کہ الطاف حسین نے رابطہ کمیٹی سے مذاکرات کے حوالے سے مولانا فضل الرحمان پر اعتماد کا اظہار کیا ہے۔

ملاقات میں مولانا فضل الرحمان رابطہ کمیٹی اور دیگر اراکین اسمبلی سے استعفوں کے معاملے پر تبادلہ خیال کریں گے، ملاقات میں کراچی آپریشن اور مانیٹرنگ کمیٹی پر بھی بات چیت کی جائے گی۔

یاد رہے کہ وزیرِاعظم نواز شریف نے مولانا فضل الرحمان کو ایم کیوایم کے اراکین اور اسمبلیوں میں واپس لانے کا ٹاسک دیا تھا، مولانا فضل الرحمان نے وزیراعظم نواز شریف سے ملاقات کے دوران ایم کیوایم کے ارکین کے استعفوں پر مشاورت کی۔

Comments

comments

یہ بھی پڑھیں