The news is by your side.

Advertisement

ایم کیوایم کے ارکان سینیٹ نے اپنے استعفے واپس لے لئے

اسلام آباد: ایم کیوایم کے ارکان سینیٹ نے اپنے استعفے واپس لے لئے۔

سینیٹر کرنل ریٹائرڈ طاہر مشہدی کی قیادت میں سیکریٹری سینیٹ سے ملاقات کے بعد ایم کیو ایم کے اراکین نے ایک ایک کر کے اپنے استعفے واپس لیے۔ تمام اراکین نے چیئرمین سینیٹ میاں رضا ربانی سے بھی ملاقات کی۔ ایم کیو ایم کے اراکین سینیٹ کے اجلاس میں بھی شرکت کر رہے ہیں۔

استعفے واپس لینے کے بعد ایم کیو ایم کے سینیٹر کرنل ریٹائرڈ طاہر مشہدی نے میڈیا سے بات کرتے ہوئے کہا کہ ایم کیو ایم کے تحفظات دور کرنے کی یقین دہانی کے بعد استعفے واپس لینے کا فیصلہ کیا گیا ہے، کراچی آپریشن کے مخالف نہیں تاہم آپریشن صرف جرائم پیشہ عناصر کیخلاف ہونا چاہیے، کراچی میں کارروائیوں سے جو تحفظات ہوں گے وہ کمیٹی کو بتا سکیں گے، تحفظات کمیٹی 90 دن میں اپنی سفارشات وفاقی حکومت کو بھیجے گی.

طاہر مشہدی کا کہنا تھا کہ وزیراعظم نواز شریف اور الطاف حسین نے دور اندیشی کا مظاہرہ کرتے ہوئے ملک میں جمہوری روایات کو فروغ دیا.

واضح رہے کہ ایم کیو ایم نے کراچی میں جاری آپریشن کے خلاف کچھ عرصہ قبل احتجاجاََ سینیٹ، قومی اسمبلی اور سندھ اسمبلی سے استعفے دے دیے تھے جنہیں منظور نہیں کیا گیا تھا، ایم کیو ایم کے استعفوں کی واپسی کا ٹاسک مولانا فضل الرحمن کو دیا گیا جو کچھ دن کی کوششوں کے بعد معاملے سے پیچھے ہٹ گئے تھے۔

چند روز قبل حکومت اور ایم کیو ایم میں ہونے والے مذاکرات کے دوران ایم کیو ایم کے ” تحفظات“ دور کردیے گئے تھے، جس پر ارکان نے استعفے واپس لینے کی حامی بھری تھی.

Print Friendly, PDF & Email

Comments

comments

یہ بھی پڑھیں