The news is by your side.

Advertisement

ایم کیو ایم کی جانب سے کراچی میں صفائی مہم کا آغاز

کراچی : متحدہ قومی موومنٹ کی جانب سے کراچی میں صفائی مہم کا آغاز کردیا گیا ہے۔ ڈاکٹر فاروق ستار نے جھاڑو لگاکرمہم شروع کی، ایم کیوایم کے نو منتخب بلدیاتی نمائندے،اراکین رابطہ کمیٹی اوراراکین پارلیمنٹ صفائی مہم میں شریک ہیں۔

کراچی کے نامزد مئیروسیم اختر نےلائنز ایریا میں ٹریکٹر چلایا،اور جھاڑو بھی دی، ڈاکٹر فاروق ستار نے صحافیوں سے گفتگو کرتے ہوئے کہا کہ صفائی مہم میں اسکول اور کالج کے طالب علم بھی ساتھ دے رہےہیں۔

صفائی مہم روزانہ کی بنیاد پر آٹھ گھنٹے جاری رہے گی۔ جب کہ سندھ حکومت کی جانب سے کوئی تعاون نہیں کیا جارہا.

ان کا کہنا تھا کہ سندھ حکومت ناکام ہوگئی ہے۔ دوسری جانب وسیم اخترنے سندھ حکومت کو کراچی کی صفائی میں روڑے اٹکانے کا مجرم قرار دیتے ہوئے کہا کہ سندھ حکومت نہیں چاہتی کہ کراچی ترقی کرے اورشہری سکھ کا سانس لیں۔

نامزد میئرکراچی کا کہنا تھا کہ سندھ حکومت نےنوے لوڈرزکوبلاول ہاؤس کے سامنے کھڑاکرنےکی ہدایت کر کے بلدیاتی مشینری کو اپنی جاگیر سمجھ رکھا ہے، ہم شہر کی صفائی کرنا چاہتے ہیں۔

ہم کراچی کےمنتخب نمائندےہیں لوگوں نےہمیں ووٹ دیاہے۔ ان کا کہنا تھا کہ کراچی میں وال چاکنگ مٹانےکا آغازاپنی تنظیم کی چاکنگ مٹا کرکیا ہے۔

کراچی کو کسی کی اوطاق نہیں بننے دیں گے اور ایک ماہ کے دوران شہر کو پاک صاف کرنے کے بعد کچرے کو اس کے اصل مقام پر ٹھکانے لگایا جائے گا۔

 

Print Friendly, PDF & Email

Comments

comments

یہ بھی پڑھیں