The news is by your side.

Advertisement

ایم کیو ایم نے عوامی طاقت کے مظاہرے کا فیصلہ کر لیا

کراچی: ایم کیو ایم نے عوامی طاقت کا مظاہرہ کرنے کا فیصلہ کر لیا، 18 مارچ کو نشتر پارک میں جلسہ کیا جائے گا۔

اے آر وائی نیوز کے مطابق ایم کیو ایم کے 37 ویں یوم تاسیس کے موقع پر ایم کیو ایم نے نشتر پارک میں پنڈال لگانے کا اعلان کر دیا ہے، ایم کیو ایم 18 مارچ کو کراچی میں جلسہ کرے گی۔

اس سلسلے میں آج ایم کیو ایم کنوینئر ڈاکٹر خالد مقبول صدیقی کی زیر صدارت ذے داران کا اجلاس منعقد ہوا، اجلاس میں جلسے کے سلسلے میں کمیٹیاں تشکیل دی گئیں اور انتظامات کے حوالے سے ذمے داران کو ٹاسک سونپا گیا۔

خالد مقبول صدیقی نے اجلاس سے خطاب میں کہا ایم کیو ایم پاکستان کے پیغام کو گھر گھر پہنچانے کے لیے ہمیں اپنی پوری توانائیاں صرف کرنی ہیں، ہمیں اپنے اتحاد اور نظم و ضبط سے جلسہ عام کو کامیاب بنانا ہے۔

انھوں نے ہدایت کی کہ کارکنان بھر پور طریقے سے عوام کو متحرک کرنے کی حکمت عملی ترتیب دیں۔

اجلاس سے خطاب میں ڈپٹی کنوینئر وسیم اختر نے کہا ہمیں اپنی صفوں میں اتحاد کو برقرار رکھنا ہوگا، اور سازشی عناصر پر نظر رکھنی ہوگی، یونین کونسل کی سطح پر اپنے آپ کو منظم کرنا ہوگا۔

وسیم اختر کا کہنا تھا کہ ضرورت اس امر کی ہے کہ نیا خون تحریک میں شامل کیا جائے، تمام کارکنان کی ذمہ داری ہے کہ نوجوان طبقے بالخصوص طلبہ و طالبات تک ایم کیو ایم پاکستان کا پیغام پہنچائیں۔

Comments

یہ بھی پڑھیں