site
stats
سندھ

ایم کیو ایم کے یونٹ اور سیکٹرآفس پر تالے ڈال دیے گئے

کراچی : متحدہ قومی موومنٹ کے خلاف جاری کریک ڈاؤن میں قانون نافذ کرنے والےاداروں کی جانب سے مختلف سیکٹراوریونٹ آفیسزمیں تالے ڈال دیئے گئے ہیں۔

تفصیلات کے مطابق کراچی میں متحدہ قومی موومنٹ کے خلاف قانون نافذ کرنے والے اداروں کا کریک ڈاون جاری ہے جس کے دوران رات گئے قانون نافذ کرنے والے اداروں کی جانب سے مختلف علاقوں میں ایم کیو ایم کے یونٹ آفس اورسیکٹرآفس پرتالے ڈال دیئے گئے ہیں۔

قانون نافذ کرنے والے اداروں نے یہ کارروائی ضلع وسطی کے پانچ سیکٹرز آفسز نارتھ کراچی،نارتھ ناظم آباد،لیاقت آباد اور فیڈرل بی ایریا میں کی گئی جس کے دوران ایم کیوایم کے دفاتر کے باہرتالے ڈال دیئے گئے ہیں۔

قانون نافذ کرنے والے اداروں کی جانب سے سربمہر کیے گئے دفاتر کے باہر پرچہ بھی چسپاں کردیا گیا ہے جس میں بغیر اجازت دفاتر کھولنے والے افراد کے خلاف کارروائی کے احکامات درج ہیں۔

واضح رہے قانون نافذ کرنے والے اداروں کی یہ کارروائی پیر کے روز ایم کیو ایم کے بھوک ہڑتالی کیمپ کے اختتام پر کارکنان سے خطاب کرتے ہوئے قائد ایم کیو ایم کی جانب سے پاکستان مخالف نعرے لگوانے اور کارکنان کو میڈیا ہاؤسز پرحملہ کرنے کے لیے اکسانے کے بعد کی گئی۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top