ایم کیو ایم کا تحریکِ انصاف سے مطالبہ آخر کار سامنے آ گیا -
The news is by your side.

Advertisement

ایم کیو ایم کا تحریکِ انصاف سے مطالبہ آخر کار سامنے آ گیا

کراچی: متحدہ قومی موومنٹ کا تحریکِ انصاف سے مطالبہ آخر کار سامنے آ ہی گیا، ایم کیو ایم پاکستان کا مطالبہ ہے کہ اسے وفاق میں دو وزارتیں دی جائیں۔

تفصیلات کے مطابق ایم کیو ایم پاکستان پی ٹی آئی حکومت کی وفاقی کابینہ کا حصہ بننا چاہتی ہے، ایم کیو ایم نے پی ٹی آئی سے مطالبہ کیا ہے کہ اسے وفاقی کابینہ میں 2 وزارتیں دی جائیں۔

یہ مطالبہ ایسے وقت میں سامنے آیا ہے جب گزشتہ روز اسلام آباد کے ایک نجی ہوٹل میں عمران خان کی جانب سے نو منتخب ارکانِ قومی اسمبلی کو عشائیے کی دعوت دی گئی اور اس میں ایم کیو ایم کے وفد نے بھی شرکت کی۔

ذرائع کا کہنا ہے کہ ایم کیو ایم نے شعبۂ تعلیم، صحت یا انفارمیشن ٹیکنالوجی (آئی ٹی) کی وزارتوں میں سے کوئی دو وزارتیں مانگی ہیں۔

پارلیمنٹ مضبوط کریں گے، میں خود ایوان میں بیٹھوں گا، عمران خان

ذرائع کے مطابق ایم کیو ایم پاکستان کے مطالبے پر پی ٹی آئی کی اعلیٰ قیادت غور کر رہی ہے، تاہم ایم کیو ایم کو کابینہ میں کتنا حصہ ملے گا، اس کا حتمی فیصلہ عمران خان کریں گے۔

واضح رہے کہ عمران خان کی جانب سے دیے گئے عشائیے میں ایم کیو ایم پاکستان کی طرف سے شرکت کرنے والے وفد میں خالد مقبول صدیقی، اقبال محمد علی، کشور زہرہ، امین الحق اور اسامہ قادری شامل تھے۔

Comments

comments

یہ بھی پڑھیں