The news is by your side.

Advertisement

ایم کیو ایم رہنما وسیم اختر اورحیدرعباس رضوی کی ضمانت کیلئے درخواست دائر

کراچی : نامزد میئر کراچی اور ایم کیو ایم کے رہنماء وسیم اختر اورحیدرعباس رضوی نے سندھ ہائیکورٹ میں اشتعال انگیز تقاریر میں سہولت کار ہونے کے الزام میں وارنٹ گرفتاری کیخلاف ضمانت کی درخواست دائر کردی۔

نامزد میئر کراچی وسیم اختر حیدر عباس رضوی کے ہمراہ سندھ ہائیکورٹ پہنچے، وسیم اختر نے اشتعال انگیز میں سہولت کار ہونے سے متعلق مقدمے میں ضمانت کی درخواست دائر کردی۔

یاد رہے کہ دونوں رہنماؤں کیخلاف اشتعال انگیز تقاریر میں سہولت کاری کے الزام میں ملیر اورسکھن تھانے میں مقدمات درج ہیں جبکہ انسداد دہشت گردی کی عدالت نے ناقابل ضمانت وارنٹ جاری کررکھی ہے، وسیم اختر پر ستائیس اور حیدرعباس رضوی کیخلاف تین مقدمات درج ہیں۔

دوسری جانب نامزد میئر کراچی نے موقف اختیار کیا ہے کہ قومی اداروں کیخلاف اکسانے کا الزام غلط اور بے بنیاد ہے، وسیم اختر نے مقدمہ ختم کرنے کیلئے سندھ ہائیکورٹ میں پہلے ہی درخواست دائر کررکھی ہے، جسکی سماعت انیس جنوری کو ہے۔

Comments

comments

یہ بھی پڑھیں