The news is by your side.

Advertisement

ایم کیوایم پاکستان کا اے پی سی میں شرکت نہ کرنے کا فیصلہ

کراچی: ایم کیو ایم پاکستان کے سینئر رہنما خواجہ اظہار الحسن نے کہا ہے کہ ان کی پارٹی آل پارٹی کانفرنس میں شرکت نہیں‌ کرے گی.

تفصیلات کے مطابق خواجہ اظہار الحسن نے اے آر وائی کی الیکشن ٹرانسمیشن میں گفتگو کرتے ہوئے کہا کہ رابطہ کمیٹی نے اے پی سی میں شرکت نہ کرنے کا فیصلہ کیا ہے.

سابق اپوزیشن لیڈر سندھ اسمبلی نے کہا کہ ایم کیوایم پاکستان اپنا مقدمہ خود لڑے گی، اے پی سی میں شرکت نہ کرنے کا فیصلہکچھ دیر قبل رابطہ کمیٹی کے اجلاس میں‌ کیا گیا.

واضح رہے کہ الیکشن 2018 میں مبینہ دھاندلی کے خلاف مولانا فضل الرحمان نے اے پی سی بلائی تھی۔

ابتدا میں‌ ایم کیو ایم پاکستان نے اے پی سی میں شرکت کا اعلان کیا تھا، فاروق ستاراورکنورنوید  اسلام آبادپہنچ گئےتھے۔

البتہ اب ایم کیو ایم نے اے پی سی میں شرکت نہ کرنے کا فیصلہ کیا ہے۔ ایم کیو ایم پاکستان کے پاس قومی اسمبلی کی چھ سیٹیں ہیں۔

واضح رہے کہ آج خالد مقبول صدیقی اور جہانگیر ترین کے درمیان رابطہ ہوا تھا، جس میں ایم کیو ایم ساتھ مل بیٹھنے کی دعوت دی گئی ہے۔

خالد مقبول صدیقی کا موقف

فاروق ستار کی اسلام آباد موجودگی کے باعث ہی ایہ فواہیں گردش کر رہی ہیں کہ ایم کیو ایم ایک پھر اندرونی خلفشار کا شکار ہوگئی ہے۔

پارٹی کے کنوینر خالد مقبول صدیقی کے تازہ بیان کے بعد ان افواہوں کی تصدیق ہوگئی ہے۔

خالد مقبول صدیقی نے کہا ہے کہ اےپی سی میں شرکت کافیصلہ فاروق ستارکا ذاتی ہے، ہمارا فاروق ستارسےرابطہ نہیں ہوا۔


پی ٹی آئی کی ایم کیو ایم کو حکومت سازی کےعمل میں مل بیٹھنے کی دعوت


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں