The news is by your side.

Advertisement

ایسا لگ رہا تھا پولیس نہیں پی پی کی لیاری گینگ وار ہو، عامر خان

کراچی : وزیراعلیٰ ہاؤس کے باہر پولیس کے لاٹھی چارج کے دوران جاں بحق ہونے والے ایم کیوایم کے کارکن اسلم کی نماز جنازہ آج ادا کی جائے گی۔

متوفی اسلم کے بھائی نے میڈیا کو بتایا کہ ان کی میت سرد خانے منتقل کردی گئی ہے۔ سرد خانے کے باہر موجود ایم کیو ایم کے مرکزی رہنما عامر خان بھی موجود ہیں۔

متوفی اسلم کے بھائی نے میڈیا کو بتایا کہ ان کی میت سرد خانے منتقل کردی گئی ہے۔ سرد خانے کے باہر موجود ایم کیو ایم کے مرکزی رہنما عامر خان بھی موجود ہیں۔

میڈیا سے گفتگو کرتے ہوئے عامر خان نے کہا کہ پیپلزپارٹی نے ظلم اور بربریت کا اظہار کیا ہے، اسلم ہمارے بہت اچھے اورسینئر کارکن تھے۔

عامر خان نے کہا کہ جب تک پیپلزپارٹی ہے اس ظلم کے خلاف احتجاج جاری ہے، ایسا لگ رہا تھا پولیس نہیں پیپلز پارٹی کی لیاری گینگ وار ہو۔

مزید پڑھیں: وزیراعلیٰ ہاؤس پر ایم کیو ایم کے مظاہرین پر پولیس ٹوٹ پڑی

فضل الرحمان، شاہی سید سمیت دیگر سیاسی رہنماؤں نے بھی ظلم کی مذمت کی ہے، اسلم کی نمازجنازہ کے بعد ایف آئی آر ودیگر کارروائیوں کا فیصلہ ہوگا۔

ایم کیو ایم رہنما کا کہنا تھا کہ لاٹھی چارج کے نتیجے میں درجنوں خواتین کارکنان بھی زخمی ہوئیں۔

Comments

یہ بھی پڑھیں