ایم کیو ایم کے رہنما وسیم اختر کو بیرون ملک سفر کی اجازت مل گئی -
The news is by your side.

Advertisement

ایم کیو ایم کے رہنما وسیم اختر کو بیرون ملک سفر کی اجازت مل گئی

کراچی : انسداد دہشت گردی کی عدالت نے متحدہ قومی موومنٹ کے رہنما وسیم اختر کو بیس دن کے لیے بیرون ملک سفر کرنے کی اجازت دے دی.

تفصیلات کے مطابق ایم کیوایم کے رہنما کی جانب سے انسداد دہشت گردی کی عدالت میں درخواست دائر کی گئی تھی جس میں متحدہ قومی مومنٹ کے رہنما نے عدالت سے بیرون ملک سفر کرنے کی اجازت مانگی تھی.

ایم کیو ایم کے رہنما کی جانب سے دائر کی گئی درخواست پر رینجرز کے وکیل کی جانب سے مخالفت کی گئی، رینجرز کے وکیل نے موقف اختیار کیا تھا کہ ہو سکتا ہے وسیم اختر مقدمے کا سامنا کرنے کے لیے دوبارہ وطن واپس نہ آئیں.

یاد رہے کہ کراچی کے میئر کے امیدوار اور ایم کیو ایم کے رہنما وسیم اختر پر الزام ہے کہ انہوں نے مبینہ طور پر دہشت گردوں کو سابق وفاقی پیٹرولیم ڈاکٹر عاصم کے کلفٹن اور نارتھ ناظم آباد میں علاج اور پناہ فراہم کرنے کا کہا تھا.

واضح رہے کہ انسداد دہشت گردی کی عدالت کے جج نے ایم کیو ایم کےرہنما وسیم اختر کی درخواست قبول کرلی اور عدالت نے انہیں مقررہ مدت کے اندر پاکستان واپسی کا حکم دے دیا.

Comments

comments

یہ بھی پڑھیں