The news is by your side.

Advertisement

کامیڈین مسٹر بین کے شو کو پچیس سال مکمل

عالمی شہرت یافتہ کامیڈین مسٹر بین کے شو کو پچیس سال مکمل ہو گئے، اس خوشی میں بکنگھم پیلس میں جشن منایا گیا۔

مسٹر بین کا کمال کچھ نہ کہنا اور پھر بھی ہنسا دینا ہے ،چہروں پر ہنسی بکھیرنے کے عمل کو پچیس سال مکمل ہو گئے۔

bean 2

چھوٹی سی سبز رنگ کی گاڑی، چھت پررکھا براسا صوفہ،ہاتھ میں بڑی سی جھاڑن اورگود میں رکھا پیاراسا ٹیڈی بیئر۔ ان سب لوازمات کےساتھ مسٹر بین اپنے کیرئیرکی پچیسویں سالگرہ منانے برطانوی شاہی محل بکھنگم پیلس پہنچے،جہاں اپنے منفرد انداز میں وفادار دوست ٹیڈی کے ساتھ شاندار انٹری دی، اور پورے شہر کا گشت بھی کیا۔

تحائف سے بھری گاڑی کی چھت پر شاہانہ انداز میں صوفے پر بیٹھے مسٹر بین اپنے شو میں کیا گیا مظاہرہ دہراتے نظر آئے، مسٹر بین نے خوشی کے موقع پر کیک بھی کاٹا،عجیب و غریب حرکتوں سے قہقے بکھیرنے والے مسٹر بین نے کیریئر کا آغاز انیس سو نوے میں برطانیہ سے کیا۔

مسٹر بین کا کردارنبھانے والے رووان ایٹکنسن نے 1990 میں کامیڈی ڈرامہ سیریز سے اپنی اداکارنہ زندگی کا آغاز کیا ،انکا یہ کردار دنیا بھر میں بے حد مقبول ہوا۔جس سے دنیا بھر میں انکے چرچے ہونے لگے۔

Print Friendly, PDF & Email

Comments

comments

یہ بھی پڑھیں