مسٹر پاکستان کا ٹائٹل کراچی کے شکیب علی نے جیت لیا -
The news is by your side.

Advertisement

مسٹر پاکستان کا ٹائٹل کراچی کے شکیب علی نے جیت لیا

کراچی : مسل مینیا مسٹر پاکستان چیمپیئن شپ کراچی کے شکیب علی نے جیت لی ہے۔ جونیئر ٹائٹل سرفراز خان کے نام رہا۔

تفصیلات کے مطابق کراچی میں پاکستان بھر کے بہترین تن سازوں کے درمیان مسل مینیا مسٹر پاکستان کا مقابلہ منعقد ہوا، اس موقع پر تن سازوں نے اپنے مضبوط مسل دکھائے، تو کوئی اپنے سکس پیکس دکھاتا دکھائی دیا۔ ہر تن ساز کی خواہش تھی کہ وہ یہ اعزاز حاصل کرے اور ٹائٹل جیتے۔

مقابلے میں مسٹر یونیورس سلمان احمد نے بھی پوزنگ کے جوہر دکھائے، کانٹے دار مقابلے کے بعد کراچی کے شکیب علی مسل مینیا مسٹر پاکستان کا ٹائٹل جیتنے میں کامیاب ہوگئے۔

اس موقع پر اے آر وائی نیوز سے خصوصی گفتگو کرتے ہوئے شکیب علی نے کہا کہ میری کامیابی میں میرے ٹرینر اور میرے گھر والوں کا کا اہم کردار ہے، جنہوں نے میری بھرپور حوصلہ افزائی کی۔

انہوں نے کہا کہ اس شعبے میں بھی لوگوں میں بہت آگاہی آتی جارہی ہے جو بہت خوش آئند بات ہے اور اسی وجہ سے کراچی اور دیگر شہروں میں باڈی بلڈنگ کے بڑے مقابلے منعقد کئے جارہے ہیں۔

مقابلے میں کامیاب ہونے والے دیگر باڈی بلڈرز کی یہی خواہش ہے کہ اب وہ عالمی سطح پر اپنے ملک کانام روشن کریں گے۔

Comments

comments

یہ بھی پڑھیں