اسلام آباد کے سب سے بڑے سرکاری اسپتال پمز میں ایم آر ائی کی تنصیب کامیابی سے مکمل کر لی گئی جو کل سے فعال ہو جائے گی۔
ذرائع کے مطابق ایم آر آئی مشین جرمنی سے درآمد شدہ ہے، اسپتال کی مشن 2021 سے غیر فعال تھی، دارالحکومت کے دیگر اسپتالوں میں اس کی سہولت دستیاب نہیں ہے۔
پمز انتظامیہ نے ستمبر 2020 میں ایم آر آئی خریداری کیلیے آرڈر دیا تھا جبکہ مشن کیلیے ایل سی اپریل 2021 میں کھولی گئی تھی۔ کورونا وبا کے باعث کمپنی نے ایم آر آئی ڈلیوری میں تاخیر کی ہے۔
اسلام آباد کے این آئی آر ایم کی ایم آر آئی 3 ماہ قبل خراب ہوئی۔ قومی ادارہ بحالی معذوراں میں ایم آر آئی 1996 میں نصب ہوئی تھی جو اپنی عمر پوری کر چکی ہے۔
قومی ادارہ بحالی معذوراں کیلیے مشن کی خریداری کی جا رہی ہے۔ نرم اسپتال کی نئی ایم آر آئی کیلیے فرم کو سپلائی آرڈر جاری کر دیا گیا ہے۔
