کراچی کے علاقے لیاری میں جنرل اسپتال کے میڈیکل سپرنٹنڈنٹ (ایم ایس) غلام نبی شاہ کو عہدے سے ہٹا دیا گیا ہے۔
چیف سیکریٹری سندھ ڈاکٹر محمد سہیل راجپوت کی جانب سے جاری کردہ نوٹیفکیشن میں غلام نبی شاہ کو محکمہ صحت رپورٹ کرنے کی ہدایت کی گئی۔
نوٹیفکیشن کے مطابق ڈاکٹر عبد الحفیظ ابڑو اسپتال کے نئے میڈیکل سپرنٹنڈنٹ تعینات کر دیے گئے۔
یاد رہے کہ حال ہی میں لیاری جنرل اسپتال اور نرسنگ کالج میں اجارہ داری و کرپشن کی نشاندہی کی تھی۔ غلام نبی شاہ کو ایسے وقت میں تبدیل ہٹایا گیا جب اس حوالے سے تحقیقاتی کمیٹی تشکیل دی جا چکی ہے۔
انور خان اے آر وائی نیوز کراچی کے لیے صحت، تعلیم اور شہری مسائل پر مبنی خبریں دیتے ہیں