The news is by your side.

Advertisement

شہید مبین احمد کی فیس بک پر پُر اثر غزل

لاہور : ڈی آئی جی ٹریفک پولیس شہید مبین احمد نہ صرف یہ کہ فرض شناس آفیسر تھے بلکہ ایک زندہ دل و علم پرور شخصیت اور ایک نرم و حساس دل رکھنے والے انسان تھے۔

ڈی آئی جی ٹریفک مبین احمد کی یادیں ہی اب ان کے اہل خانہ، رفقاء اور ساتھی افسران کا انمول خزانہ بن گئی ہیں جس سے وہ ہر لمحہ شہید کی یاد کو تازہ کرتے رہیں گے۔

شہید مبین احمد ملک میں دہشت گردی، فرقہ واریت، اور انتہا پسندی پر دل گرفتہ نظر آتے تھے جس کا اظہار انہوں نے سماجی رابطے کی ویب سائٹ فیس بک پر اپنے ایک اسٹیٹس میں قتل و غارت گری سے بیزاری اور انسانیت سے محبت کے درس پر مشتمل غزل تحریر کی تھی جسے کافی لوگوں نے پسند کیا۔

mubin-post-2

کوئٹہ سے تعلق رکھنے والے شہید مبین احمد کو انہی اوصاف کے باعث ان کے ساتھی ، دوست اور اہلِ خانہ نرم دل اور خوش اخلاق آفیسر کی حیثیت سے جانتے ہیں اور اپنی منکسر المزاجی کے باعث وہ ہمیشہ لوگوں کے دلوں میں زندہ رہیں گے۔

mubin-post-1

احمد مبین اپنے کریئر کے دوران ڈی پی او قصور، ڈی آئی جی انویسٹی گیشن کوئٹہ ، ایس پی ماڈل ٹاؤن لاہور اور سی ٹی او لاہور کے عہدوں پر تعینات رہے جب کہ انہوں نے ابتدائی تعلیم مستونگ کیڈٹ کالج سے حاصل کی اور 1996 میں سول سروس کا امتحان پاس کرنے کے بعد فوج سے ریٹائرڈ ہو کر پولیس میں آئے تھے۔

mubin-post-4

اُن کی تدفین پر ہر آنکھ اشک بار اور ہر دل الم ناک تھا، شہید نے اپنے آخری لمحات بھی لوگوں کے درمیان ان کے مسائل حل کرتے ہوئے گذارے اور مال رود پر ٹریفک کو خود بحال کروایا۔

Print Friendly, PDF & Email

Comments

comments

یہ بھی پڑھیں