پیر, فروری 10, 2025
اشتہار

’علما عید کے خطبات میں فلسطین کے المیے کو اجاگر کریں‘

اشتہار

حیرت انگیز

سابق چیئرمین مرکزی رویت ہلال کمیٹی مفتی منیب الرحمان نے علمائے کرام سے اپیل کی ہے کہ وہ عیدالفطر کے خطبات میں فلسطین کے المیے کو اجاگر کریں۔

اے آر وائی نیوز کے مطابق سابق چیئرمین مرکزی رویت ہلال کمیٹی مفتی منیب الرحمان نے علمائے کرام سے اپیل کی ہے کہ وہ اس سال عید اجتماعات میں خطبہ دیتے ہوئے فلسطین کے المیے کو اجاگر کریں تاکہ ان کی دادرسی ہو سکے۔

اپنے بیان میں مفتی منیب الرحمان نے مزید کہا کہ مظلوم فلسطینیوں کیلیے ضروری ساز وسامان، ادویات سمیت موبائل آپریشن تھیٹر بھیجے جائیں اور شدید زخمیوں کو مسلم ممالک میں منتقل کر کے علاج کا بندوبست کیا جائے۔

انہوں نے کہا کہ اشیائے خوراک کی محفوظ ترسیل کیلیے یو این سمیت عالمی اداروں کو متوجہ کیا جائے۔ مصر کو چاہیے غزہ کی سرحد سے ملحقہ زیادہ سے زیادہ راہداریاں کھولیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں