قندیل بلوچ قتل کیس، مفتی عبدالقوی پہلی بار عدالت میں پیشMufti Qavi
The news is by your side.

Advertisement

قندیل بلوچ قتل کیس، مفتی عبدالقوی پہلی بار عدالت میں پیش

ملتان : قندیل بلوچ قتل کیس میں ملزم مفتی عبدالقوی عدالت کے سامنے پیش ہوگئے، مفتی عبدالقوی کا کہنا ہے کہ پولیس اورعدلیہ کےساتھ تعاون کریں گے

تفص ملتان کی سیشن عدالت میں ماڈل قندیل بلوچ قتل کیس کی سماعت ہوئی ، کیس کی سماعت ڈسٹرکٹ اینڈ سیشن جج چوہدری امیر محمد خان نے کی، سماعت میں دیگر نامزد ملزمان کے ساتھ پہلی بار مفتی عبدالقوی عدالت کے سامنے پیش ہوئے۔

مفتی عبدالقوی کی وکلا کی جانب سے کیس کی تیاری کیلئے ایک روز کی مہلت کی درخواست کی گئی، جس پر ڈسٹرکٹ اینڈ سیشن جج چوہدری امیر محمد خان نے کیس کی سماعت کل تک کے لئے ملتوی کردی۔

مفتی عبدالقوی کا کہنا تھا کہ عبوری ضمانت سےمتعلق آج پیشی تھی ، پولیس اورعدلیہ کےساتھ تعاون کریں گے، جج صاحب نےکل کی تاریخ دی ہے، عدالتوں کا احترام کرتے ہیں کل بھی میں اور وکلا عدالت میں پیش ہوں گے، عدالت جوفیصلہ کرےگی ہمیں منظور ہوگا۔

خیال رہے کہ مفتی عبدالقوی نےچند روز قبل ہی عبوری ضمانت کرائی تھی، جس کی وجہ سےپولیس نےمفتی عبدالقوی کوگرفتارنہیں کیا تھا۔


مزید پڑھیں : قندیل بلوچ کیس،مفتی عبدالقوی کےناقابل ضمانت وارنٹ گرفتاری جاری


یاد رہے قندیل بلوچ کیس کی گذشتہ سماعت میں عدالت نے مفتی عبدالقوی کے ناقابل ضمانت وارنٹ گرفتاری جاری کرتے ہوئے گرفتار کرنے کا حکم جاری کیا تھا ۔

اد رہے کہ مفتی عبدالقوی کو مقتول اداکارہ قندیل بلوچ کے والد عظیم کے بیان کی روشنی میں دفعہ’’ 109 ت پ‘‘ یعنی اعانتِ جرم کا ملزم نامزد کیا تھا۔

اس سے قبل قندیل بلوچ قتل کیس میں مفتی عبدالقوی نے پولیس کی جانب سے مرتب کردہ تحریری سوال نامے کے جواب میں کہا تھاکہ قندیل بلوچ سے پہلی ملاقات ٹی وی پروگرام اور آخری تیرہ رمضان کو کراچی کے ہوٹل میں ہوئی تھی۔

خیال رہے کہ مفتی عبدالقوی اور قندیل بلوچ کی ملاقات کی متنازعہ ویڈیو کے منظر عام پرآنے اور قندیل بلوچ کی جانب سے مفتی عبدالقوی کے لیے سخت بیان بھی سامنے آیا تھا، اسی پس منظر میں قندیل بلوچ کی والدہ نے بھی مفتی عبدلاقوی کو شامل تفتیش کرنے کی اپیل کی تھی۔


مزید پڑھیں: ماڈل قندیل بلوچ کو قتل کر دیا گیا


واضح رہے معروف ماڈل اور ممتاز شوبز شخصیت قندیل بلوچ کو اُن کے گھر واقع ملتان میں قتل کردیا گیا ،قندیل بلوچ اپنے والدین سے ملنے گھر آئی ہوئیں تھیں کہ رات سوتے ہوئے اُن کے بھائی نے وسیم نے گلا دبا کر قندیل بلوچ کو ہلاک کرکے گاؤں فرار ہو گیا تھا جہاں پولیس نے چھاپہ مار کارروائی میں ملزم کو گرفتار کرلیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

 

Comments

comments

یہ بھی پڑھیں