The news is by your side.

Advertisement

ڈکیتی کی کوشش کے دوران ڈاکو ہلاک، ویڈیو وائرل

لاس اینجلس : امریکہ میں ایک دکاندار نے دکان میں ڈکیتی کی نیت سے آنے والے ڈاکوؤں کو گولیاں مار دیں، ایک ڈاکو موقع پر ہی ہلاک ہوگیا۔

امریکی شہر لاس اینجلس میں ہونے والا واقعہ سوشل میڈیا پر وائرل ہوگیا جس میں دکان میں آنے والے ڈاکوؤں کو لینے کے دینے پڑگئے۔

ویڈیو میں دیکھا جاسکتا ہے دکاندار نے ڈکیتی کی کوشش کو ناکام بنا دیا جب اس نے ڈاکوؤں پر گولی چلا دی جنہوں نے دکان کو لوٹنے کی کوشش کی، سارا منظر سی سی ٹی وی کیمرے میں قید ہوگیا۔

غیر ملکی خبر رساں ادارے کے مطابق یہ واقعہ لاس اینجلس میں پیش آیا اس کے حوالے سے مقامی پولیس نے بتایا کہ 23 ​​سالہ کاہلیل لنڈی اور 21 سالہ کیتھ ریچل نے دیگر ملزمان کے ساتھ مل کر دکان لُوٹنے کی نیت سے دکان میں داخل ہوئے۔

مقامی پولیس کی جانب سے جاری کردہ ویڈیو میں لنڈی اور ریچل کو پہلے اسٹور میں داخل ہوتے اور سامنے والے کاؤنٹر کے قریب آتے ہوئے دکھایا گیا ہے جہاں دکاندار موجود تھا۔

ایک ملزم نے آتے ہی دکاندار پر پستول تال لی لیکن دکاندار نے کوئی بھی لمحہ ضائع کیے بغیر  اس پر گولی چلادی جس سے ملزمان بری طرح بوکھلا گئے۔

بعد ازاں ملزمان کی جانب سے بھی فائرنگ کی گئی، پولیس کے مطابق دکاندار کو چہرے اور گردن میں گولی لگنے کے بعد ہسپتال میں داخل کرایا گیا جہاں اس کے علاج کے بعد گھر بھیج دیا گیا۔

فائرنگ کے تقریباً 30 منٹ بعد پولیس نے مارٹن لوتھر کنگ ہسپتال میں ایک شخص کے بارے میں تفصیلات بیان کیں جسے گولی مارکر زخمی کیا گیا تھا۔ تفتیش کاروں کو بعد میں معلوم ہوا کہ یہ شخص مسلح ڈکیتی میں ملوث ملزمان میں سے ایک تھا۔

بعد ازاں مذکورہ ملزم کی دوران علاج موت واقع ہوگئی، پولیس نے تیسرے مشتبہ شخص کو بھی گرفتار کرلیا ہے جبکہ دو ملزمان لنڈی اور ریچل فرار ہیں۔

Comments

یہ بھی پڑھیں