The news is by your side.

Advertisement

سعودی ولی عہد کے تاریخی دورے سے ترقی کی نئی راہیں کھلیں گی، ماہرین معاشیات

کراچی : ماہرین معاشیات اور تجزیہ کاروں نے سعودی ولی عہد کا دورہ مثبت قرار دے دیا، کہتے ہیں کہ شہزادہ محمد بن سلمان کے دورے سے سی پیک کی اہمیت کا بھی اندازہ ہوتا ہے۔

تفصیلات کے مطابق سعودی ولی عہد محمد بن سلمان کے تاریخی دورہ پاکستان سے دونوں ممالک کے عوام کیلئے ترقی کی نئی راہیں کھلیں گی۔ دورے میں ہونے والے معاہدوں کے دور رس نتائج برآمد ہوں گے, معاشی ماہرین نے شہزادہ محمد بن سلمان کے دورہ کو معاشی ترقی کی راہ میں سنگ میل قراردے دیا۔

معروف تجزیہ نگار شاہد حسن کا کہنا ہے کہ سیاسی اختلاف والے ممالک بھی پاکستان میں سرمایہ کاری پر تیار ہیں، تین عالمی کریڈیٹ ایجنسیوں کی جانب سے پاکستان کی ریٹنگ گرانے کے بعد محمد بن سلمان کا دورہ تاریخی موقع ہے۔

عابد سلہری نے کہا کہ سعودی ولی عہد کا دورہ پاکستان کیلئے خوش آئند ہے اس سے سی پیک کی اہمیت کا بخوبی اندازہ ہوتا ہے۔ عبدالباسط کا کہنا تھا کہ ملک کی اقتصادی حالت بہتر ہونے سے مثبت نتائج برآمد ہوں گے۔

دنیا کو پیغام جائے گا کہ پاکستان سرمایہ کاری کیلئے بہترین ملک ہے، سعودی عرب نے پہلی بار صیح معنوں میں پاکستان میں سرمایہ کاری کی ہے۔

Comments

comments

یہ بھی پڑھیں