The news is by your side.

Advertisement

“عامر سلیکٹرز کو متاثر نہیں کرے گاتو کیسے کھیلےگا؟”

ڈربی: قومی ٹیم کے بولنگ کوچ اور فاسٹ بولر محمد عامر کے درمیان جاری لفظی جنگ ختم ہونے کا نام ہی نہیں لے رہی ہے، وقار یونس نے ایک بار پھر عامر کو تنقید کا نشانہ بنایا ہے۔

تفصیلات کے مطابق ڈربی سے ورچوئل پریس کانفرنس میں قومی ٹیم کے بولنگ کوچ وقار یونس نے فاسٹ بولر محمد عامر کی چیف ایگزیکٹو پی سی بی وسیم خان سے ملاقات پر لاعلمی کا اظہار کیا اور کہا کہ میڈیا کے زریعے اس ملاقات کا علم ہوا۔

وقار یونس نے کہا کہ وسیم خان پی سی بی کے بڑے ہیں ان کی مرضی وہ جس کھلاڑی سے چاہے ملاقات کرسکتے ہیں۔

قومی ٹیم کے بولنگ کوچ نے محمد عامر کو بڑا بولر قرار دیا اور ساتھ ہی کہا کہ وسیم خان سے ملاقات کے بعد عامر کی مرضی ہے کہ وہ کرکٹ کھیلے یا ریٹائرمنٹ لے، وہ اپنے کارکردگی سے سلیکٹرز کو متاثر کرے گا تو قومی ٹیم کے لئے دروزاے عامر کے لئے کھلے ہیں، اگرعامرسلیکٹرز کو متاثر نہیں کرےگاتوکیسےکھیلےگا؟۔

یہ بھی پڑھیں: ریٹائرمنٹ کا معاملہ؛ محمدعامر کو منانے کی کوششیں

وقار یونس کا کہنا تھا کہ یہ قومی کرکٹ ہے، کوئی فرنچائز ٹیم نہیں کہ من پسند کھلاڑی کو ٹیم میں شامل کیا جائے۔

ورچوئل کانفرنس میں قومی ٹیم کے بولنگ کوچ نے اس عزم کا اظہار کیا کہ انگلینڈ کی کنڈیشنز کو ہم جانتے ہیں، سخت گرمی سےنکل کرانگلینڈ آکر ایڈجسٹ کرناتھوڑا مشکل ہوتاہے، ہمارے بولرز انگلینڈ میں اچھا کھیلنےکی صلاحیت رکھتےہیں، باؤلرز سےتوقعات زیادہ ہیں،باؤلنگ اٹیک کم بیک کرےگا۔

بولنگ کوچ وقاریونس کا کہنا تھا کہ انگلش بلےبازوں کےخلاف اچھی حکمت عملی بنائیں گے، حارث رؤف، شاہین شاہ آفریدی اس سیریز میں نمایاں کھیل دکھائیں گے، محمدحسنین او رشاداب خان سے بھی توقعات ہیں۔

 

Comments

یہ بھی پڑھیں