انٹرنیشنل کرکٹ سے ریٹائرمنٹ لینے والے پاکستان قومی ٹیم کے فاسٹ بالر محمد عامر ان دنوں کیریبین پریمیئر لیگ کے میچ میں کامیابی کے جھنڈے گاڑھ رہے ہیں۔
تفصیلات کے مطابق ویسٹ انڈیز میں ان دنوں کیریبین پریمیئر لیگ کے میچ کھیلے جا رہے ہیں۔ جس میں 30 سالہ محمد عامر جمیکا تھلائیواس کے لئے کھیل رہے ہیں۔
انٹرنیشنل کرکٹ سے ریٹائر ہونے کے باوجود پاکستان کا یہ بائیں ہاتھ کا یہ فاسٹ بالر اب بھی خطرناک بالنگ کر رہا ہے، انہوں نے ٹرنباگو نائٹ رائیڈرز کے خلاف 2 وکٹیں حاصل کیں اور ٹیم کو جیت دلانے میں اہم کردار ادا کیا
Mohammad Amir Against TKR :
4 Overs | Runs 15 | Dot Balls 13 | Wickets 2 @iamamirofficial— Thakur (@hassam_sajjad) September 10, 2022
میچ میں پہلے کھیلتے ہوئے جمیکا نے 7 وکٹوں پر 153 رنز کا اسکور بنایا، کپتان روومین پاول نے نصف سنچری بنائی، جواب میں کیرون پولارڈ کی قیادت میں ٹرنباگو کی ٹیم 8 وکٹوں پر 119 رنز ہی بنا سکی۔ اس طرح جمیکا کو 34 رنز سے جیت ملی۔
ہدف کا تعاقب کرنے والی نائٹ رائیڈرز کی ٹیم کو تیسری گیند پر ہی بڑا جھٹکا لگ گیا، محمد عامر نے سنیل نارائن کے اسٹمپ کو بے دردی سے اکھاڑ دیا، وہ 2 گیندوں میں اپنا کھاتہ بھی نہیں کھول پائے کہ پویلین واپسی ان کا مقدر ٹھہری۔
ساتھ ہی محمد عامر نے نکولس پورن کو بھی بولڈ کیا۔ انہوں نے 12 گیندوں میں 13 رنز بنائے۔ اس کے علاوہ عامر نے اپنی باؤنسر گیند سے آندرے رسل کو پریشان کیا اور یہ گیند ان کے جسم پر بھی زور سے لگی۔
محمدعامر نے 4 اوورز میں 15 رنز دے کر 2 وکٹیں حاصل کیں، اس دوران ان کی 13 گیندوں پر ایک بھی رن نہیں بن سکا۔
The Pakistan duo @simadwasim & @iamamirofficial have been so far in the ongoing #CPL for @JAMTallawahs #CPL22 #ImadWasim #Amir #CricketTwitter pic.twitter.com/2MmOxRltJB
— CricWick (@CricWick) September 11, 2022
اس سے پہلے تھلائیواس کی جانب سے کپتان روومین پاول نے 49 گیندوں پر 67 رنز بنائے۔ انہوں 6 چوکے اور 4 چھکے لگائے۔ ٹیم نے 31 رنز پر 3 وکٹیں گنوا دی تھیں۔
اس کے بعد انہوں نے ریمن ریفر کے ساتھ چوتھی وکٹ کے لئے 90 رنز کی شراکت داری کرکے ٹیم کو سنبھال لیا۔
ریفر نے 26 گیندوں پر 28 رنز بنائے، آخر میں عماد وسیم نے 12 گیندوں میں 21 رنز بنا کر اسکور کو 150 کے پار پہنچا دیا ۔ انہوں نے 3 چوکے اور ایک چھکا لگایا۔
تیز گیند باز روی رامپال نے 40 رنز کے عوض 3 وکٹیں حاصل کیں۔ سنیل نارائن نے 4 اوورز میں صرف 11 رنز دئے اور 2 وکٹیں حاصل کیں، عماد وسیم کو ان کی آل راؤنڈ کارکردگی کیلئے پلیئر آف دی میچ کا ایوارڈ ملا۔
