اسلام آباد: پاکستانی کوہ پیما محمد علی سدپارہ نے ایک اور کارنامہ سر انجام دیتے ہوئے یورپ کی بلند ترین چوٹی ’مونٹ بلانک‘ کو سر لیا۔
تفصیلات کے مطابق پاکستانی کوہ پیما محمد علی سدپارہ نے یورپ کی بلند ترین چوٹی مونٹ بلانک کو سر کرلیا، مونٹ بلانک فرانس اور اٹلی کی سرحد پر واقع بلند ترین چوٹی ہے۔
محمد علی سدپارہ نے فرانسیسی اور نیپالی کوہ پیما کے ساتھ چوٹی سر کی، مونٹ بلانک 4808 میٹر یورپ کی بلند ترین چوٹی ہے۔
پاکستانی کوہ پیما محمد علی سدپارہ مونٹ بلانک سر کرنے والے پہلے پاکستانی بن گئے، مونٹ بلانک چوٹی پہلی بار 8 اگست 1786 کو سر کی گئی تھی۔
محمد علی سدپارہ نے 8 ہزار میٹر سے بلند دنیا کی 8 چوٹیاں سر کی ہیں، انہوں نے 8 ہزار میٹر سے بلند پاکستان کی 5 اور نیپال کی 3 چوٹیاں سر کی ہیں۔
مزید پڑھیں: پاکستانی کوہ پیما محمد علی سدپارہ نے ماؤنٹ مکالو بھی سرکرلی
واضح رہے کہ گزشتہ سال 24 مئی کو محمد علی سدپارہ نے ماؤنٹ مکالو سر کی تھی۔
خیال رہے کہ پاکستانی کوہ پیما محمدعلی سدپارہ نے دو سال قبل 2کوہ پیماؤں کے ہمراہ بغیر آکسیجن کے نیپال میں ماؤنٹ پاموری پیک سر کرلی تھی ، نیپال میں واقع ماؤنٹ پاموری7161میٹربلندچوٹی ہے۔
علی سدپارہ کوموسم سرمامیں نانگاپربت چوٹی سرکرنےکااعزازبھی حاصل ہے، اس کے علاوہ دیگر چوٹیاں جس میں براد پیک، سپیندیک پیک، جی ون، جی ٹو بھی سر کر چکے ہیں۔
