The news is by your side.

Advertisement

عامر نےسزاکاٹ لی،اب موقع ملناچاہے، ہیڈ کوچ وقار یونس

لاہور: قومی کرکٹ ٹیم کے ہیڈ کوچ وقار یونس کا کہنا ہے کہ محمد عامر اپنی غلطی کی سزا کاٹ چکے ہیں، انہیں موقع دینا چاہئے میں نے کبھی بھی عامر کو موقع نہ دینے کے بارے نہیں کہا۔

وقار یونس کا کہنا تھا کہ دورہ نیوزی لینڈ کے لئے بہترین کھلاڑیوں کا انتخاب کریں گے جبکہ محمد عامر کی واپسی کو شائقین کرکٹ سمیت نیوزی لینڈ کے کھلاڑیوں نے بھی خوش آئند قراردیا ہے۔

وقار یونس نے کہا کہ محمد عامر کے حوالے سے محمد حفیظ اوراظہرعلی کی اپنی رائے ہے اورہرانسان کو سوچنے اوراپنی رائے رکھنے کی اجازت ہے تاہم محمد عامرپرپرفارمنس کادباؤ نہیں ڈالناچاہے۔

قومی ٹیم کے ہیڈ کوچ کا کہنا تھا کہ دورہ نیوزی لینڈ کے لئے لیگ اسپنر یاسر شاہ کا ٹیم میں نہ ہونا بڑا دھچکہ ہے جن کی عدم موجودگی میں نوجوانوں کے پاس موقع ہے جب کہ تربیتی کیمپ میں فٹنس پر بھرپور توجہ دی گئی ہے، تیزاورمثبت کرکٹ کھیلنا ہمارا مشن ہےاور بلےبازوں کوجارحانہ اندازمیں بیٹنگ کرنےکی ہدایت کی ہے۔

Comments

comments

یہ بھی پڑھیں