The news is by your side.

Advertisement

محمد حفیظ کا بولنگ ایکشن ٹیسٹ28 جنوری کو ہوگا

لاہور : قومی ٹیم کے آل راؤنڈر محمد حفیظ کا بولنگ ایکشن ٹیسٹ اٹھائیس جنوری کو لمز یونیورسٹی میں کرایا جائے گا، پابندی کے باعث حفیظ بنگلہ دیش کے خلاف سیریزمیں بولنگ نہیں کراسکیں گے۔

تفصیلات کے مطابق پاکستان کرکٹ بورڈ (پی سی بی) نے آل راؤنڈر محمد حفیظ کا بولنگ ایکشن ٹیسٹ کرانے کا فیصلہ کرلیا، ان کا بولنگ ایکشن ٹیسٹ اٹھائیس جنوری کو لمز یونیورسٹی میں کرایا جائے گا۔

محمد حفیظ کا بولنگ ایکشن گزشتہ برس انگلینڈ میں ڈومیسٹک میچ کے دوران رپورٹ ہوا تھا، جس کے بعد آل راؤنڈر انگلینڈ میں بولنگ کرانے کے اہل نہیں ہوئے, مذکورہ پابندی کے باعث محمد حفیظ بنگلہ دیش کے خلاف ہونے والی سیریز میں بھی بولنگ نہیں کراسکیں گے۔

انگلش کرکٹ بورڈ کے مطابق محمد حفیظ کے ایکشن کے آزادانہ تجزیے میں اس کے غیر قانونی ہونے کی تصدیق ہوئی ہے، ایکشن کی تجزیاتی رپورٹ کے مطابق حفیظ کے بازو کا خم 15 ڈگری سے زیادہ ہوتا ہے۔ حفیظ ایکشن کی درستگی تک ای سی بی ایونٹس میں باؤلنگ نہیں کرسکیں گے۔

اس حوالے سے محمد حفیظ کا کہنا تھا کہ چند خامیوں کی نشاندہی کے باوجود ریویو گروپ کی فائنڈنگ کو تسلیم کرتا ہوں اور آئی سی سی سے منظور شدہ کسی بھی سینٹر میں باؤلنگ ایکشن ٹیسٹ کیلئے تیار ہوں.

تاہم انہوں نے تحفظات کا اظہار کرتے ہوئے کہا کہ بولنگ ایکشن جانچنے کےطریقہ کار میں کچھ خامیاں ہیں جنہیں ٹھیک کرنے کی ضرورت ہے۔

fb-share-icon0
Tweet 20

Comments

comments

یہ بھی پڑھیں