The news is by your side.

محمد حفیظ کا قومی ٹیم کو جارحانہ کرکٹ کھیلنے کا مشورہ

سابق کپتان محمد حفیظ نے قومی ٹیم کو جارحانہ کرکٹ کھیلنے کا مشورہ دیا ہے۔

پاکستان کرکٹ ٹیم کے سابق کپتان محمد حفیظ کا کہنا تھا کہ سیمی فائنل میں پاکستان کرکٹ ٹیم کے لیے نیک خواہشات ہیں۔

معین خان کا کہنا تھا کہ بلاشبہ یہ پریشرمیچ ہے، اگر پچ اچھی مل رہی ہے تو ٹاس جیت کر بیٹنگ پہلے کرنی چاہیے۔

سابق کپتان اظہر علی نے سیمی فائنل میں ٹیم کے لیے نیک تمناؤں کا اظہار  کرتے ہوئے کہا کہ ہم ٹیم کے ساتھ ہیں۔

عاقب جاوید کا کہنا تھا کہ جب ٹیمیں سیمی فائنل میں پہنچ جاتی ہیں تو سب برابر ہوجاتی ہے،  نیوزی لینڈ کی تاریخ ہے، وہ پورا ورلڈ کپ اچھا کھیلتے  ہوئے آتے ہیں، سیمی فائنل ہار جاتے ہیں۔

عاقب جاوید کا مزید کہنا تھا کہ میں سیمی فائنل میں پاکستان کو فیورٹ قرار دوں گا، محمد حارث کو صرف اوپنر کھلانے سے اچھا ٹوٹل بن سکتا ہے، جبکہ پاکستان کے پاس چار ایسے بولر ہیں جو تیز رفتاری سے بولنگ کرتے ہیں۔

انکا کہنا تھا کہ سڈنی کی پچ ایسی نہیں لگ رہی جہاں اسکور نہ ہو، پاکستان اگر پہلے بیٹنگ کرے اور اسکور کا دفاع کرے تو جیت ہماری ٹیم کی ہوگی۔

واضح رہے کہ آسٹریلیا میں جاری ٹی ٹوئنٹی ورلڈکپ کا پہلا سیمی فائنل آج پاکستان اور نیوزی لینڈ کی ٹیموں کے درمیان سڈنی میں کھیلا جائے گا۔

Comments

یہ بھی پڑھیں