لاہور: پروفیسر کے ساتھ فراڈ ہوگیا، پراپرٹی ڈیلر محمد حفیظ کو سوا دو کروڑ روپے کا چونا لگا کر فرار ہوگیا۔
پراپرٹی ڈیلر قومی ٹیم کے پروفیسر محمد حفیظ کے دوکروڑ دس لاکھ روپے ہڑپ کرگیا، پراپرٹی ڈیلر نے حفیظ سے پیسے لیئے نہ پلاٹ دیا نہ پیسے واپس کیے بلکہ چونا لگایا اور فرار ہوگیا۔
پیسے نہ ملنے پر پروفیسر نے پولیس کا دروازہ کھٹکھٹایا اور شکایت لگائی کہ کاشف اور سہیل سمیت چار افراد نے فراڈ کیا۔
ایس پی سی آئی اے عمر ورک نے کہا کہ دونوں فریقین کا مؤقف سننے کے بعد کارروائی کریں گے، محمد حفیظ کا کہنا کہ فراڈ کی رقم لینے کے بعد نہ تو انھیں پلاٹ دیا گیا اور نہ ہی رقم واپس کی گئی۔
