برمنگھم: برٹش جونیئر اوپن اسکواش چیمپئن شپ 2020 کا ٹائٹل پاکستان کے محمد حمزہ خان نے جیت لیا۔
تفصیلات کے مطابق برمنگھم میں منعقدہ جونیئر اوپن اسکواش چیمپئن شپ میں پاکستانی کھلاڑی محمد حمزہ خان نے انڈر 15 کیٹیگری کا ٹائٹل جیت لیا۔
حمزہ خان نے انگلینڈ کے یوسف شیخ کو تینوں راؤنڈز میں شکست دے کر کامیابی اپنے نام کی۔
Breaking News BJO2020
Muhammad Hamza Khan 🇵🇰 (Pak) bt Yusuf Sheikh (Eng) 11-4 (6 min), 11-3 (5 min), 11-7 (5 min). The Young Falcon won the British Open Junior Championship 2020 in U-15 Category. 🎊🎉🇵🇰🏆🏅🥇
Congratulations to the Entire Nation. @BJOsquash @EPC_Squash pic.twitter.com/sS47CdEeOz
— Pakistan Squash Federation (@paksquash) January 6, 2020
محمد حمزہ خان نے کہا کہ خوشی ہے انڈر 15 کیٹیگری کا برٹش چیمپئن بن گیا ہوں، بھرپور سپورٹ کرنے پر اسکواش فیڈریشن کا شکریہ ادا کرتا ہوں۔
حمزہ خان نے کہا کہ میں نے حریف کھلاڑیوں کو سنسنی خیز مقابلے کے بعد شکست دی، انشا اللہ اگلی بار انڈر 17 کھیلوں گا اور انڈر 17 کا ٹائٹل بھی جیت کر لاؤں گا۔
واضح رہے کہ محمد حمزہ خان نے ملائیشیا کے ہیرت دانیال کو 4-11، 3-11 اور 8-11 سے ہرا کر سیمی فائنل میں جگہ بنائی تھی جبکہ پاکستان کے عبداللہ نواز کو مصر کے کھلاڑی یوسف سلیم کے ہاتھوں شکست کا سامنا کرنا پڑا تھا۔
